Денешен празник: Свети апостол Ерма – пример за вера, покајание и духовна мудрост

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денешен празник: Свети апостол Ерма – пример за вера, покајание и духовна мудрост

13 јуни 2025

• од Гоце Кически

Православната црква денес го празнува споменот на светиот апостол Ерма, еден од Седумдесетте апостоли, спомнат во Посланието на апостол Павле до Римјаните. Ерма, по потекло Грк, долго време живеел во Рим, каде што се истакнал по својата ревност и мудрост, поради што бил поставен за епископ во Филипопол. Својот живот го завршил маченички, сведочејќи ја својата длабока вера во Христа.

Особена вредност во неговото дело има духовниот споменик „Пастир“, книга составена според откровение од Ангел Божји. Ова дело е богато со морални и духовни поуки, кои и денес имаат значајно влијание врз православното предание. Ерма бил некогаш богат човек, но поради гревовите на своите синови западнал во голема сиромаштија. Во тој момент на животна криза, му се јавил ангелот на покајанието, облечен во бело и со стап во раката, кој му бил пратен од Бога за да го води до крајот на неговиот живот.

Преку разговори со ангелот, Ерма примил голема духовна поука за верата, вистината, чистотата на срцето, трпението, молитвата и борбата меѓу доброто и злото. Делото „Пастир“ претставува извонреден водич за духовен живот, напишан со едноставен, но длабоко прониклив јазик, што го прави достапен за секој што сака да живее според евангелските начела.

Празникот на светиот апостол Ерма е потсетник за сите верници на силата на покајанието, значењето на личната преобразба и надежта која Бог му ја дава на секој човек што се обраќа со искрено срце.