Денеска 7 април 2026 година се празнува Благовештение на Пресвета Богородица

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денеска 7 април 2026 година се празнува Благовештение на Пресвета Богородица

07 април 2026

• од Гоце Кически

Кога Пресветата Дева Марија наврши единаесет години престој и служење во Ерусалимскиот храм, односно четиринаесет години од раѓањето – влегувајќи во својата петнаесетта година – свештениците ѝ соопштија дека според Законот повеќе не може да остане при храмот. Според тогашните правила, таа требаше да пристапи кон веридба и брак.

Но, нејзиниот одговор предизвика големо изненадување. Пресветата Дева изјави дека себеси Му се посветила на Бога и дека не сака да стапи во брак со никого. Ова сведоштво за нејзината духовна определба ги восхити, но и ги постави пред дилема храмовните свештеници.

По Божја промисла и вдахновение, првосвештеникот Захарија, татко на свети Јован Крстител, се договори со другите свештеници да се пронајде достоен чувар на нејзината девственост. Тие собраа дванаесет вдовци од Давидовото племе, за да изберат еден на кого ќе му биде доверена Пресветата Дева.

Изборот падна на праведниот старец Јосиф од Назарет, нејзин роднина, човек со чист живот и силна вера. Во неговиот дом, Пресветата Дева продолжи да живее со истата посветеност како и во храмот – во молитва, читање на Светото Писмо, богомислие и ракотворби.

Таа ретко излегуваше од домот и не се занимаваше со светските работи. Беше тивка, смирена и воздржана, зборувајќи само кога тоа беше потребно. Најчесто општеше со ќерките на Јосиф, живеејќи во духовна чистота и мир.

Но, кога се исполни времето предвидено со пророштвото на пророкот Даниил и кога Бог благоволи да го исполни ветувањето дадено на прогонетиот Адам и на пророците, се случи најголемиот настан во историјата на човештвото.

Во нејзината одаја ѝ се јави архангел Гавриил, објавувајќи ѝ ја радосната вест. Според преданието, во тој момент таа го читала пророштвото на Исаија: „Ете, девојка ќе зачне и ќе роди син!“

Архангелот ѝ се обрати со зборовите:

„Радувај се, благодатна! Господ е со тебе!“

Со оваа архангелска благовест, опишана во Евангелието според светиот апостол Лука, и со слегувањето на Светиот Дух врз Пречистата Дева, започна спасението на човечкиот род и обновата на целото создание.

Така започна историјата на Новиот Завет – историја на радост, надеж и спасение за човештвото и за сета твар.