Денеска се празнува Преподобната маченичка Февронија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денеска се празнува Преподобната маченичка Февронија

08 јули 2025

• од Станча Јаќимовски

Денеска, Православната црква ја чествува спомен-славата на Преподобната маченичка Февронија, една од најсветлите женски личности во христијанската историја. Нејзиниот живот е пример за непоколеблива вера, духовна сила и љубов кон Христос, кои ги одбра над сè – дури и над сопствениот живот.

Февронија била ќерка на сенаторот Просфор од Рим, богата и благородна по потекло, но уште поблагородна по дух. За да избегне брак со смртен човек, таа уште во младоста се одлучила за монашки живот, целосно посветувајќи се на Бога. Заминала на Исток, во Асирија, каде што се замонашила во женскиот манастир под раководство на нејзината тетка, игуманијата Вриена.

Иако имала само дваесет години, Февронија била позната по својата кроткост, мудрост и воздржливост. Таа ја имала честта секој петок, кога сестрите се посветувале на молитва и читање, да им чита од светите книги, но секогаш стоејќи скриена зад завеса – за да не им го одвлекува вниманието со нејзината убавина.

Но, времето во кое живеела било време на жестоки гонења на христијаните. Императорот Диоклецијан испратил војска на Исток да ги уништи христијанските заедници, предводена од суровиот Селин. Со него бил и неговиот внук Лисимах, кој, иако надворешно делувал како паганин, во срцето бил наклонет кон христијаните. Тој, каде што можел, ги штител и спасувал.

Кога Селин дознал за прекрасната монахиња Февронија, наредил да ја доведат пред него. Таа одлучно го одбила неговото барање да се откаже од Христос и да влезе во брак, и затоа била подложена на страшни мачења: ја шибале, ѝ ги избијале забите, ѝ ги отсекле рацете, градите, нозете и на крајот – главата.

Но, нејзината жртва не била залудна. Селин, истиот ден, бил зафатен од демон и умрел во ужас, удирајќи со главата во мермерен столб. Лисимах, потресен од страдањето на Февронија и од чудесната казна што го снашла мачителот, наредил нејзиното тело да биде чесно погребано во манастирот. Тој и голем дел од неговите војници се крстиле и станале христијани.

Моштите на Света Февронија станале извор на многубројни исцеленија, а според сведоштвата на сестрите, таа и по смртта им се јавувала – на денот на нејзиниот празник стоела на своето место во манастирската црква, како и за време на животот.

Света Февронија пострадала во 310 година, а во 363 година нејзините мошти биле пренесени во Цариград. Денес, нејзиниот спомен нè потсетува на силата на верата, на непоколебливата љубов кон Бога и на тоа дека духовната убавина надживува сè – дури и смртта.

Нека нејзиниот пример биде поттик за сите нас во духовниот живот, а нејзините молитви нека ни бидат заштита и водилка.