Денеска се празнува Свети Амвросиј, епископ Медиолански

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денеска се празнува Свети Амвросиј, епископ Медиолански

20 декември 2025

• од Станча Јаќимовски

Денес Православната Црква молитвено го празнува споменот на Свети Амвросиј, епископ Медиолански, еден од најголемите и највлијателни Свети Отци на Црквата.

Свети Амвросиј потекнувал од прочуено и угледно семејство. Неговиот татко бил царски намесник на Галија и Шпанија, незнабожец по вера, а мајка му била побожна христијанка. Уште во детството кај него се забележувала посебна Божја промисла. Преданието сведочи дека како мало дете често ја пружал раката и пророчки велел: „Целивајте, бидејќи ќе бидам епископ“.

По смртта на татко му, царот го поставил Амвросиј за свој намесник во Лигурската област, со седиште во Медиолан – денешно Милано. Кога починал тогашниот епископ на градот, меѓу православните христијани и аријанските еретици настанала жестока расправија околу изборот на нов архијереј. Амвросиј, како државен управител, влегол во храмот со цел да воспостави ред. Тогаш, според Божја волја, едно мало дете извикало: „Амвросиј – епископ!“ Народот ова го примил како глас Божји и, иако против неговата волја, едногласно го избрал Амвросиј за епископ.

Иако дотогаш не бил ни крстен, Амвросиј со смирение ја прифатил Божјата промисла. Во рок од една недела ги поминал сите црковни чинови, се крстил и бил ракоположен за епископ. Од тој момент неговиот живот станал пример за подвиг, молитва и пожртвуваност. Спиел малку, работел неуморно, непрестајно Му се молел на Бога и строго постел – секој ден, освен во сабота и недела.

Поради неговиот свет живот, Бог го удостоил со голема благодат и дарови. Свети Амвросиј сведочел и извршувал многубројни чуда: воскреснувал мртви, изгонуваше демони, исцелуваше болни од разни болести и проѕираше во иднината. Тој ги открил и моштите на светите маченици Протасиј, Гервасиј, Назариј и Келсиј.

Свети Амвросиј бил кроток и милостив кон обичниот народ, но исклучително бестрашен пред силните и моќните. Без страв ја изобличил царицата Јустина поради ерес, го проколнал тиранинот Максим, а на царот Теодосиј му забранил влез во храмот сè додека јавно не се покаел за својот тежок грев. Со насилниот и самонаречен цар Евгениј одбил дури и да се сретне.

Овој богоугоден архијереј се упокоил мирно во мугрите на Воскресение Христово, во 397 година, оставајќи зад себе светол пример на вера, храброст и непоколеблива вистина.

Свети Амвросиј Медиолански и денес останува жив пример дека пастирот на Црквата треба да биде истовремено смирен слуга Божји и непоколеблив сведок на вистината.