Агелер се простува: Санкциониравме луѓе кои ве крадеа со години, а не беа казнети

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Агелер се простува: Санкциониравме луѓе кои ве крадеа со години, а не беа казнети

23 јануари 2026

• од Станча Јаќимовски

По три години поминати во Скопје, десеттата американска амбасадорка во земјава, Ангела Агелер, се збогува со македонската јавност преку отворено и емотивно писмо. Во него таа прави пресек на својот мандат, зборува за предизвиците и тешките одлуки, за борбата против корупцијата, но и за силната верба што, како што истакнува, ја носи со себе – вербата во граѓаните на Македонија.

Агелер нагласува дека од земјава заминува со чувство на длабока благодарност и чест што имала можност да ја претставува својата држава, оценувајќи го периодот поминат тука како исполнет со значајни моменти и искрено партнерство.

„Црните листи“ како порака на пријателство

Една од централните теми во нејзиното обраќање е борбата против корупцијата и воведувањето санкции за поранешни и актуелни функционери. Според Агелер, вистинското пријателство не значи премолчување на проблемите, туку јасно и отворено соочување со нив.

„Тоа значи прозивање на корупцијата и криминалните организации, придонес кон судските реформи и санкционирање на оние кои ве крадеа со години без да бидат казнети“, пишува таа, потенцирајќи дека токму ваквите чекори се неопходни за изградба на правна и функционална држава.

Безбедност, инфраструктура и економија

Во писмото, Агелер се осврнува и на клучните успеси од билатералната соработка, особено во 2025 година, кога беше одбележана 30-годишнината од воспоставувањето на дипломатските односи меѓу двете земји.

Како значајни достигнувања ги наведува зајакнувањето на безбедносниот капацитет преку НАТО, набавката на современи тактички возила и заедничките воени вежби на полигонот Криволак. Посебно место има и напредокот во најголемиот инфраструктурен проект досега, со отворањето на Коридорите 8 и 10, кои, според неа, имаат клучно значење за регионалната безбедност, трговијата и економскиот развој.

Дополнително, таа ја истакнува соработката во областа на енергетиката, управувањето со минералните ресурси, сајбер безбедноста и заштитата на животната средина, како основа за одржлив економски напредок.

Искрени разговори и зрело партнерство

Амбасадорката отворено признава дека односите не секогаш биле едноставни. Партнерството, како што вели, понекогаш подразбирало тешки и искрени разговори за прашања што длабоко ги засегаат двете држави.

„Не секогаш се согласувавме, и тоа е во ред“, наведува Агелер, додавајќи дека токму преку тие моменти пријателството меѓу двете земји созреало и прераснало во подлабока и посилна врска.

„Ова е ваша земја“

Во завршницата на писмото, Агелер упатува силна и лична порака до граѓаните – да не се откажуваат од своите соништа и од борбата за подобра иднина.

„Бидете добри, бидете храбри, бидете силни и јас ќе навивам за вас на секој чекор“, порачува таа, уверувајќи дека САД ќе останат цврст сојузник и партнер на Македонија на патот кон посилна, стабилна и целосно интегрирана евроатлантска иднина.