Ахмети: Ако сакавме да ја поделиме Македонија, тоа ќе го направевме во 2001 година

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Ахмети: Ако сакавме да ја поделиме Македонија, тоа ќе го направевме во 2001 година

03 септември 2025

• од Станча Јаќимовски

Претседателот на Демократската унија за интеграција (ДУИ), Али Ахмети, за време на говорот во Чаир, остро ги демантираше тврдењата дека Албанците имаат намера да ја поделат Македонија.

„Ако сакавме да ја поделиме Македонија, тоа ќе го сторевме во 2001 година со петнаесет илјади вооружени луѓе,“ изјави Ахмети пред присутните, нагласувајќи дека ваквите наводи се неосновани и штетни.

За унитарна и рамноправна држава

Ахмети посочи дека неговата партија се залага за унитарна држава во која сите граѓани ќе бидат рамноправни. „Ние не сакаме тиранин за едни, туку држава за сите,“ порача тој.

На собирот во Чаир, заедно со кандидатите за градоначалници Бујар Османи и Скендер Реџепи – Зејд, беше потпишан таканаречениот „Закон за Чаир“. Со овој чин, според Ахмети, се потврдува најголемото национално единство од 2001 година наваму.

Единство и борба против дискриминација

„Сите сме обединети за да го вратиме достоинството и честа, како и да ги заштитиме постигнатите придобивки,“ изјави Ахмети. Тој потсети дека борбата во минатото се водела за еднаквост, а денес продолжува во насока на заштита од дискриминација и од лошо управување.

Ахмети го нарече тековното движење „сенародно движење на отпор и надеж“, кое, според него, станува сè посилно и поинклузивно.

Повик за „референдум“ во октомври

Во завршницата на говорот, Ахмети ги повика граѓаните да се подготват за октомврискиот „референдум“, како што тој го нарече, нагласувајќи дека ќе биде клучен момент за иднината на државата и за заедничкото општествено единство.