Албана Мустафа од ДУИ: Ниту еден долгометражен филм на Албанци не доби поддршка

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Албана Мустафа од ДУИ: Ниту еден долгометражен филм на Албанци не доби поддршка

02 септември 2025

• од Станча Јаќимовски

Пратеничката од ДУИ, Албана Мустафа, денеска на прес-конференција излезе со остри критики кон работата на Агенцијата за филм на Република Северна Македонија, нарекувајќи ја „жртва на политички клиентелизам, непотизам и партиска поделба“.

Според Мустафа, институцијата која треба да ги поддржува уметниците е претворена во алатка за партиски интереси, а резултатот е, како што рече, невидена дискриминација врз албанските филмски автори.

Финансиска неправда кон албанските проекти

Мустафа изнесе податоци дека од над 650 илјади евра распределени за филмски проекти оваа година, албанските режисери добиле само 128 илјади евра. Посебно скандалозен е фактот, подвлече таа, што ниту еден долгометражен филм на албански автор не добил поддршка, иако биле поднесени четири сериозни проекти.

„Додека еден македонски режисер добил 309 илјади евра за еден филм, албанската уметничка заедница остана целосно исклучена од оваа категорија,“ изјави Мустафа.

Обвинувања за непотизам

Како пример за, според неа, сомнителни одлуки, Мустафа го посочи случајот со Јехона Ајдини – сопруга на шефот на кабинетот на вицепремиерот Изет Меџити. Таа добила 18 илјади евра за проект, иако нема релевантно професионално портфолио, освен еден студентски дипломски филм.

„Јавно прашуваме дали лично Меџити влијаел неговата блиска да добие пари од јавни фондови, додека сериозни албански проекти беа елиминирани?“, праша Мустафа.

Политички кадри во Управниот одбор

Мустафа ја оспори и политизацијата на Управниот одбор на Агенцијата за филм. Според неа, таму биле назначени двајца Албанци исклучиво по партиска линија:

Шкелќим Ислами, внук на организацискиот секретар на Алтернатива и кадровски шеф на ВЛЕН.
Менсур Алити, кадар на Движењето БЕСА, предложен од градоначалникот на Тетово, Билал Касами.

„Агенцијата е претворена во партиска испостава каде фондовите се делат на партиски војници и фамилијари на властодршците,“ нагласи таа.