Али Ахмети: Борбата на УЧК беше праведна и во служба на слободата!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Али Ахмети: Борбата на УЧК беше праведна и во служба на слободата!

13 декември 2025

• од Станча Јаќимовски

Илјадници граѓани се собраа на плоштадот „Скендербег“ во Скопје, изразувајќи поддршка и барајќи правда за поранешните лидери на Ослободителната војска на Косово (ОВК), кои се наоѓаат на судење во Хаг.

На протестот присуствуваше и лидерот на Демократската унија за интеграција (ДУИ), Али Ахмети. Во своето обраќање пред насобраните, Ахмети истакна дека борбата на ОВК била праведна и неопходна борба за слободата и достоинството на албанскиот народ. Тој упати благодарност до САД, Европа и НАТО за нивната поддршка во клучните моменти.

„Денес сме собрани тука, во близина на спомениците на Хасан Приштина, Пјетер Богдани и Неџат Аголи, за да потсетиме дека Хасан Приштина беше убиен токму за слободата на својот народ. Пјетер Богдани ѝ подари знаење и филозофија на Европа. Неџат Аголи беше стрелан од режимот само затоа што како министер бараше слобода, правда и еднаквост за својот народ“, рече Ахмети.

Тој нагласи дека Албанците не бараат Европа да им должи нешто, туку изразуваат благодарност за поддршката што резултираше со помош за ОВК и прекин на понатамошниот геноцид врз Албанците во Косово. „Им сме благодарни на Џејмс Рубин и на (Весли) Кларк. Од овој плоштад ѝ се обраќаме и на Европа. Јас припаѓам на она движење кое бараше слобода и правда за Албанците. Наградата за тоа беа убиства, тортура, пролевање крв и оцрнување на младинското и студентското движење од режимот во Белград“, истакна Ахмети.

Плоштадот беше исполнет со Албанци од Косово, Албанија и Северна Македонија, кои заеднички ја искажаа својата поддршка. На голем транспарент поставен на плоштадот беше испишана пораката: „Ослободителите треба да се почитуваат, а не да се судат“.