Алијанса за Албанците: Одбивањето на полагање правосуден испит на албански јазик е институционална дискриминација

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Алијанса за Албанците: Одбивањето на полагање правосуден испит на албански јазик е институционална дискриминација

05 февруари 2026

• од Станча Јаќимовски

Алијанса за Албанците: остро реагира на официјалниот одговор на Министерството за правда, со кој беше одбиена петицијата на албанските студенти за полагање на правосудниот испит на албански јазик. Според партијата, ваквата одлука претставува јасен пример на институционална дискриминација и кршење на принципот на јазична еднаквост.

Документот што го обезбеди новинската агенција ИНА, според Алијансата, го потврдува она на што подолго време се укажува – дека државата го користи законот како инструмент за исклучување, наместо како механизам за еднаквост. Тие оценуваат дека образложението на Министерството, според кое „проверка на активно познавање на македонскиот јазик може да се врши исклучиво преку испити на македонски јазик“, е неприфатливо, дискриминаторско и правно слабо.

„Познавањето на македонскиот јазик не е спорно. Но, негирањето на правото испитот да се полага на албански јазик е директно кршење на принципот на јазична рамноправност и на уставниот дух“, наведуваат од партијата.

Според Алијанса за Албанците, тврдењето дека Законот за правосуден испит „не предвидува“ употреба на албанскиот јазик не може да се смета за аргумент, туку за политичко оправдување. Како што истакнуваат, законот не го забранува албанскиот јазик, а недостатокот на политичка волја за спроведување на еднаквоста не смее да се прикрива зад правни техничкости.

Особено загрижувачка, според нив, е тезата дека правосудниот испит служи како „филтер“ за правничките професии. „Во пракса, Албанците не се филтрираат според правното знаење, туку според јазикот. Тоа е чиста и намерна институционална дискриминација“, се наведува во реакцијата.

Алијансата потсетува дека албанскиот јазик е службен јазик, што не е политички слоган, туку уставен факт. Вештачките хиерархии меѓу „примарен“ и „секундарен“ јазик, според нив, се политички конструкции кои создаваат реална нееднаквост.

Партијата бара итно преиспитување на оваа, како што ја нарекува, дискриминаторска одлука, како и промена на институционалната пракса и правното толкување што го исклучува албанскиот јазик.

„Албанските студенти не бараат привилегии. Тие бараат основно право на образование, професионален напредок и еднаквост пред државата која се претставува како мултиетничка и демократска“, порачуваат од Алијансата.

Според нив, молкот и одбивањето на институциите само ја продлабочуваат кризата на доверба и ја разоткриваат државата како селективна, а не правична. Алијанса за Албанците најавува дека ќе продолжи да ја поддржува оваа кауза на сите политички, институционални и јавни нивоа.

„Оваа борба не е само за еден испит. Таа е борба за достоинство и еднаквост“, се наведува на крајот од соопштението.