Арбер Адеми: Проект за политичка асимилација на Албанците се спроведува од владата на Мицкоски

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Арбер Адеми: Проект за политичка асимилација на Албанците се спроведува од владата на Мицкоски

08 октомври 2025

• од Станча Јаќимовски

Арбер Адеми, остро ја критикуваше актуелната влада предводена од Христијан Мицкоски, обвинувајќи ја дека спроведува проект за политичка асимилација на Албанците. Според него, овој проект започнал уште во 2022 година преку тајна спогодба меѓу двете најголеми македонски партии, под водство на македонската олигархија.

„Оваа влада не е резултат на демократски процес“

Адеми изјави дека сегашната влада не е производ на демократски избори, туку резултат на „скриен и антидемократски договор“.
„Оваа спогодба имаше за цел дефакториzирање и политичка асимилација на Албанците, од државотворен фактор да ги претвори во симболични фигури во институциите“, изјави тој.

Адеми додаде дека со овој „мрачен проект“ се настојува да се обезвредни албанскиот глас и да се негира легитимноста на нивното политичко претставување. „По парламентарните избори, овој план почна да се спроведува во пракса. Наместо да го почитува јасно изразениот глас на албанскиот народ, лидерот на ВМРО избра да го игнорира нивниот избор и да ги вклучи во владата политичките губитници од албанскиот блок,“ изјави тој.

„Отворено негирање на демократијата и еднаквоста“

Адеми го оцени ваквиот потег како „отворен акт на негирање на демократијата и еднаквоста“, испраќајќи порака дека „гласот на Албанците не вреди и нивниот збор не се слуша“.

Тој истакна дека ваквиот пристап претставува директно кршење на Охридскиот рамковен договор — документ кој, според него, е темел на функционалната демократија во државата.

„Институционално понижување, не претставување“

Адеми предупреди дека последните 16 месеци се доказ дека „оваа влада функционира како лабораторија на политичката асимилација“.
„Политичкиот фактор на Албанците е исклучен од одлучувањето, маргинализиран во сите сегменти на јавниот живот – од економијата до културата, од администрацијата до централните институции. А таму каде што Албанците формално имаат функции, тие се без реална политичка моќ. Ова не е претставување, туку институционално понижување,“ нагласи Адеми.

Претставување на кандидатите на АИ

Во рамки на настапот, Адеми ги претстави и кандидатите на Алијансата за интеграција (АИ) за локалните избори – Исамедин Азизи за градоначалник на Општина Бутел и Селвер Ајдини за Крива Паланка.