Арсовска: По објавата за дивоградбите во Чаир, добивам закани од командант на ОВК

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Арсовска: По објавата за дивоградбите во Чаир, добивам закани од командант на ОВК

05 јули 2025

• од Станча Јаќимовски

Градоначалничката на Скопје, Данела Арсовска, денеска објави дека по иницијативата за справување со дивоградбите во општина Чаир, се соочува со закани од лице кое, како што вели, се претставува како командант на ОВК со надимак „Барут“.

Арсовска обвини дека токму командантот „Барут“ се обидува да ја заплаши и да го насочи гневот на албанското население кон неа, иако, според неа, најголемата опасност за граѓаните на Чаир се 150 небезбедни згради кои, како што рече, биле дозволени од локални функционери.

„Командант Барути, да си знаеш — Албанците најмногу се загрозени од 150 небезбедни згради кои Висар и Ејуп ги дозволиле во Чаир. Јасно ли ти е дека врз чаирчани ќе паднат тие згради при природна непогода?“, истакна Арсовска.

Таа понатаму потенцира дека е неприфатливо поранешни воени команданти да застануваат зад политичари кои, како што вели, се обидуваат да избегнат одговорност за урбанистичкиот хаос.

„Како ветеран на ОВК, малку е незгодно да се дружиш со ликови кои бегаат и се кријат, место да се соочат — нели војници сте?“, додаде градоначалничката, алудирајќи на функционерите кои, според неа, се одговорни за илегални легализации.

Арсовска изјави дека семејството на командантот „Барут“ било вмешано во легализации на дивоградби и дека токму тој и неговите блиски поднеле 32 барања за легализација, од кои 15 биле веќе одобрени.

„Ти дечко со твоите пајташи треба затвор да лежите за 150 небезбедно изградени згради, а не ко комшика на чешма да се жалиш по портали!“, порача таа.

Градоначалничката апелираше дека оваа борба не е меѓуетнички конфликт, туку пресметка со криминал и корупција.

„Команданти Барути, ова не е меѓуетничка борба. Не се обидувај да предизвикаш напади и закани кон мене. Сите веќе знаат дека ова е борба со криминалци, а ти си на страната на тие криминалци“, заврши Арсовска.