Арсовска со жесток напад: „Имате докази за криминал во Чаир, ама сте лавови само во штаб“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Арсовска со жесток напад: „Имате докази за криминал во Чаир, ама сте лавови само во штаб“

15 јули 2025

• од Станча Јаќимовски

Градоначалничката на Скопје, Данела Арсовска, се огласи со силна и директна порака до институциите и политичките актери, обвинувајќи ги за пасивност и прикривање на сериозен криминал во општина Чаир. Во своето обраќање, Арсовска потсети дека веќе се доставени непобитни и институционално потврдени докази за злоупотреби поврзани со градоначалникот на Чаир, Висар Ганиу.

„Еве ви добра идеја да бидете јунаци“, порача Арсовска, „наместо да ве исмева народот дека не смеете да му писнете на Висар Ганиу.“ Според неа, документите кои се однесуваат на перење пари и фалсификати поврзани со 150 небезбедни згради во Чаир, се повеќе од доволен основ за институционално постапување.

Арсовска го критикува молкот и неактивноста на надлежните, укажувајќи дека истите се изложени на јавна потсмев и обвиненија за соучесништво. „Ако постапите по доказите, нема никој да ве збори дека браните криминал, и нема да ви се смеат дека сте лавови само во штаб“, истакна таа.

Таа посочи и дека борбата со криминалот во Чаир, кој не е под директна надлежност на Градот, не треба да остане само нејзина задача. „Така нема јас да морам да се борам сама со криминалот, вие ќе излезете херои, и нема да се срамите секој ден дека со живот ги браните ВЛЕН/ДУИ.“

Со оваа порака, Арсовска не само што ја повтори својата заложба за борба против урбаната мафија и корупцијата, туку и испрати јасен повик за политичка одговорност и конкретно делување. Воедно, ја обвини актуелната власт дека наместо да се соочи со криминалот, прибегнува кон напади и дезинформации за да го оправда своето непостапување.