Беличанец: Стравот од „бугаризација“ е алиби на Мицкоски за авторитаризам

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Беличанец: Стравот од „бугаризација“ е алиби на Мицкоски за авторитаризам

14 јули 2025

• од Станча Јаќимовски

Во јавноста сè погласни стануваат критиките за односот на премиерот Христијан Мицкоски кон европската агенда на државата и внесувањето на Бугарите во Преамбулата на Уставот. Еден од најгласните критичари, професорот и општествен коментатор Тито Беличанец, на својот профил на Фејсбук објави остар став против реториката на Мицкоски, обвинувајќи го дека преку наводни стравувања од „бугаризација“ ја одложува европската иднина на Македонија.

Според Беличанец, изјавите на Мицкоски за опасност од загрозување на македонскиот идентитет и јазик, доколку Бугарите – како дел од малцинствата во државата – бидат спомнати во уставната преамбула, не се ништо повеќе од политичка манипулација. Тој смета дека зад оваа позиција стојат две клучни причини.

„Првата причина,“ вели Беличанец, „е дека Мицкоски свесно ги плаши граѓаните со цел да го одложи почетокот на преговорите за влез во ЕУ. Неговата намера е да ја партизира државата, особено обвинителството и судството, и да ја претвори Македонија во автократија по моделот на Вучиќ. Со тоа, тој и неговата клика би имале слободен простор за лично богатење во следната деценија.“

Како втора причина, Беличанец ја посочува неспособноста на Мицкоски да се справи со предизвиците што ги носи европскиот процес. „Мицкоски нема ниту интелектуален, ниту политички капацитет да ги води сложените преговори со ЕУ. Стравува од негативните извештаи што ќе следат, кои ќе го разоткријат неговото владеење и ќе ја намалат поддршката кај гласачите,“ додава тој.

Беличанец прашува: на која од овие причини јавноста ѝ дава предност или пак има поинакво објаснување за тоа зошто Мицкоски одбива да ги внесе Бугарите во Уставот? Според него, станува збор за политичка игра во која се користи националното чувство како средство за остварување на теснопартиски цели.

Извор: Фејсбук, профил на Тито Беличанец.