Блаже Аризанов: Југонсталгијата е болест која ја одржуваат партиите со наши пари

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Блаже Аризанов: Југонсталгијата е болест која ја одржуваат партиите со наши пари

15 октомври 2025

• од Станча Јаќимовски

Блаже Аризанов е македонски претприемач и автор, на својот Фејсбук профил објави став со наслов „Тито станува десничар“, во кој остро го анализира новиот тренд во македонската политика – обидот дел од десницата да го претстави Јосип Броз Тито како своја историска фигура. Според Аризанов, таквиот потег е чист политички опортунизам, кој наместо да ја надмине југонсталгијата, ја зајакнува и ја продолжува агонијата на македонското општество.

Тој укажува дека со години левицата го користи ликот на Тито како симбол на социјална правда и солидарност, додека денес некои десничари се обидуваат да го прикажат како патриот, антисталинист и чувар на државното достоинство. Аризанов смета дека и едните и другите селективно ја толкуваат историјата, заборавајќи го суштинското – дека Југославија била еднопартиска и авторитарна држава без вистински плурализам и пазарна економија.

„Честитиот Македонец нема работа ни со Тито како десна, ни како лева фигура,“ пишува Аризанов, нагласувајќи дека вистинската десница не треба да се обидува да го „кешира“ југонсталгичарскиот капитал, туку целосно да се ослободи од него. Тој предупредува дека десницата која ќе го прифати Тито, само ќе ги пренесе старите навики – очекување државата да решава сè и зависност од лидерски култови.

Аризанов заклучува дека Македонија нема потреба од ново „премалување“ на Тито, туку од искрено соочување со авторитарното минато и градење на вистински либерален и одговорен политички дух.