Бугарин од Битола: Политичарите ја користат „картата Бугарија“ за популизам

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Бугарин од Битола: Политичарите ја користат „картата Бугарија“ за популизам

02 октомври 2025

• од Станча Јаќимовски

Љупчо Јошевски, Бугарин од Битола и долгогодишен набљудувач на политичките процеси во Република Северна Македонија, вели дека секој изборен циклус во земјата започнува со големи очекувања, но за жал завршува со чувство на разочарување. И овој пат, ништо ново под сонцето – партиите повторно настапуваат со веќе слушнати ветувања, без да понудат визија за иднината на државата.

Најтревожно, според него, е што во програмите на политичките партии речиси и да нема сериозни обврски кон европскиот пат на Македонија. Членството во Европската Унија, кое одамна требаше да биде национален консензус и приоритет број еден, се третира површно и декларативно. Наместо конкретна стратегија за реформи што ќе ја доближат земјата до Брисел, јавноста повторно слуша празни фрази и меѓусебни обвинувања.

„Како граѓанин на Северна Македонија со бугарска национална припадност, не гледам политика која ќе ги подобри нашите права или ќе донесе нешто добро за државата во целина,“ вели Јошевски. Според него, напротив – преку постојаните шпекулации и опструкции поврзани со Бугарија, политичките партии градат дневнополитички популизам во пресрет на изборите.

И во овој циклус, локалниот политички елит повторно ја игра „картата Бугарија“. Прашањата поврзани со правата на Бугарите во Македонија и односите со Софија служат како лесен инструмент за собирање политички поени и поттикнување емоции, наместо за конструктивен дијалог и надминување на историските недоразбирања. На тој начин, најголемата пречка на европскиот пат – односите со соседна Бугарија – се претвора во оружје за внатрешна политичка употреба, наместо во тема за сериозна дипломатија.

Интересно е што дел од албанските партии, иако не секогаш едногласни, покажуваат повеќе прагматичност. За нив европската интеграција е практична цел и гаранција за стабилност и подобар живот, па затоа бескрајните расправии за историјата и идентитетот остануваат на заден план.

Изборите уште еднаш потсетуваат дека вистинската битка во Македонија не е само за власт, туку за визија. Додека политичките партии се држат за ситни и краткорочни теми, државата го губи шансата да тргне решително кон Европа. А токму тој пат е единствениот што може да донесе трајна стабилност, економски раст и европска иднина за сите граѓани, заклучува Љупчо Јошевски.