Бугарски сајт: Кандидатот на Мицкоски за Стразбург ќе ја оддалечи Македонија од ЕУ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Бугарски сајт: Кандидатот на Мицкоски за Стразбург ќе ја оддалечи Македонија од ЕУ

14 ноември 2025

• од Станча Јаќимовски

Премиерот на Северна Македонија, Христијан Мицкоски, планира да го предложи адвокатот Тони Менкиноски за судија во Европскиот суд за човекови права (ЕСПЧ) во Стразбург, пишува бугарскиот портал Lupa.bg. Менкиноски е познат како долгогодишен личен адвокат и близок пријател на бизнисменот Орце Камчев, кој е под американски санкции преку Законот Магнитски.

Камчев е под истрага во Северна Македонија за корупција во особено големи размери и за перење пари — токму тези обвиненија беа причината Министерството за правда на САД да го стави на листата на санкционирани лица.

Можно одбивање од Советот на Европа

Според информациите, во Советот на Европа и во Парламентарната асамблеја постои голема веројатност кандидатурата на Менкиноски да биде одбиена. Домашната постапка за избор на кандидат за судија во ЕСПЧ е во финална фаза, а адвокатот е еден од 11-те финалисти.

Меѓу кандидатите има стручни и искусни правници, како што е Оља Ристова, судијка со две долготрајни специјализации токму во Европскиот суд за човекови права. Но, изборот на Мицкоски, според Lupa.bg, повторно се насочува кон контроверзниот Менкиноски — адвокат кој долги години ја застапуваше нерегистрираната и противуставна организација ОМО „Илинден“ пред Стразбуршкиот суд.

Експерти проценуваат дека ова ќе биде дополнителен аргумент Советот на Европа да ја одбие неговата кандидатура.

Контроверзна политичка фигура

Менкиноски е одамна препознаен како политички контроверзен лик во регионот. Пред три години предизвика меѓународен скандал кога во Охрид постави огромно знаме со симболот Вергина, спротивно на Преспанскиот договор. Инцидентот сериозно ги наруши односите со Грција.

По овој настан против него беше поведена судска постапка, но со доаѓањето на власт на Мицкоски — негов близок пријател — обвинението беше повлечено и Менкиноски беше ослободен.

Во јавните настапи тој често се изјаснува против евроинтеграцијата, а се залагал и за враќање на старото знаме со Вергина, што би предизвикало нова сериозна криза со Атина.

Одбрана на обвинети за тероризам и проруска реторика

Менкиноски беше адвокат и на осудените за тероризам учесници во упадот во Собранието на 27 април 2017 година — група која важи за проруски ориентирана и која насилно се спротивстави на промена на името и зачленувањето на Македонија во НАТО.

Тој има бројни изјави против НАТО и против ЕУ, па затоа експертите предупредуваат дека негово назначување во ЕСПЧ би можело да ја оддалечи земјата од европскиот пат, а да ја приближи кон Русија и Србија.

Неприфатлив за повеќето соседи

Според анализите, Менкиноски е непожелна фигура за речиси сите соседни држави — освен Србија — а неговите ставови се поклопуваат со позициите на Руската Федерација.

Сè уште нема реакција од Менкиноски

И покрај бројните реакции по објавувањето на информациите, Тони Менкиноски сè уште нема дадено официјален коментар за неговата потенцијална кандидатура.

Извор: https://lupa.bg/news/hristiyan-mickovski-izprashta-advokat-provokator-v-sada-v-strasburg_380193news.html