Државата со уште една милијарда долг: Кој ќе ја плати сметката?

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Државата со уште една милијарда долг: Кој ќе ја плати сметката?

15 август 2025

• од Станча Јаќимовски

Владата најави дека во наредниот период ќе обезбеди нови над една милијарда евра преку задолжување, со цел покривање на буџетскиот дефицит. Од вкупната сума, околу 70 милиони евра ќе се приберат преку кредити од домашните банки, а останатите 950 милиони евра ќе се обезбедат преку издавање еврообврзница на меѓународните пазари во текот на следната година.

Од Министерството за финансии за ТВ Телма потврдија дека ова задолжување е предвидено во рамките на годинешниот буџет и ребалансот, и дека средствата ќе бидат наменети за редовно финансирање на државните обврски.

Експертите предупредуваат за условите на задолжување

Виктор Митевски од Здружението за истражување и анализи (ЗМАИ) посочува дека задолжувањето само по себе не е изненадување, но клучно е под кои услови ќе се обезбедат средствата.

„Редовното финансирање на долгот е обврска на Министерството за финансии и на Владата. Важно е да се утврди дали добиваме поповолни пазарни услови преку излегување на меѓународните пазари или преку други форми на финансирање. Премногу задолжување на домашниот пазар може да го намали кредитниот потенцијал за приватниот сектор, што е ризик кој мора внимателно да се управува,“ изјави Митевски.

Тој додаде дека најголем проблем е кога задолжувањето служи за тековно сервисирање на буџетот, особено поради изгубената доверба во системот во последните три децении.

Состојбата со јавниот долг

Заклучно со вториот квартал од годинава, јавниот долг изнесува над 9,7 милијарди евра или 58,5% од БДП. Проекциите се дека до крајот на годината тој нема да надмине 62% од БДП.

Ова не е прво големо задолжување во последниот период. Претходно државата зема кредит од една милијарда евра од Унгарија, од кои 500 милиони беа искористени за отплата на еврообврзница што доспеа во јануари, а остатокот беше распределен за поддршка на бизнис секторот и општините.

Новото задолжување од над една милијарда евра веќе помина на владина седница на почетокот на месецот.