Две години по ветувањата: Србија сè уште не ја смени ознаката „НМК“ од патните знаци

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Две години по ветувањата: Србија сè уште не ја смени ознаката „НМК“ од патните знаци

10 ноември 2025

• од Станча Јаќимовски

Две години по првите реакции од македонското Министерство за надворешни работи (МНР), на српските автопати и понатаму стои ознаката „НМК“ за Северна Македонија – спротивно на меѓународно признаените кодови „МК“ и „МКД“. Иако од Белград повеќепати уверуваа дека грешката ќе биде исправена, патните знаци долж коридорот 10 сè уште не се коригирани.

Хронологија на случајот

Во 2022 година беше забележано дека на автопатот од Белград кон Скопје, покрај дел од сообраќајните табли стои ознаката „НМК“. Македонското МНР веднаш реагираше, по што доби уверување од српска страна дека станува збор за технички пропуст, без политичка намера, и дека проблемот ќе биде решен „во најскоро време“.

Меѓутоа, две години подоцна ситуацијата е непроменета. Екипа на „360 степени“ повторно го посети патниот правец и потврди дека ознаките не се заменети.

Преспанскиот договор и важноста на кодовите

Кодот за државата не е само технички детал, туку дел од меѓународните договори. Според Преспанскиот договор, потпишан меѓу Македонија и Грција, се предвидува дека ознаките на регистарските таблички ќе бидат „НМ“ или „НМК“, но за сите други намени меѓународните кодови остануваат „МК“ и „МКД“, во согласност со стандардите на Меѓународната организација за стандардизација (ИСО).

Затоа, употребата на „НМК“ на патните табли, наместо „МК“ или „МКД“, е спротивна на договорените меѓународни правила и создава дипломатска недоследност.

МНР: Очекуваме Србија да ја коригира грешката

Од Министерството за надворешни работи велат дека во изминатите две години повеќепати реагирале до српските институции.
„Веруваме дека соседна Србија, со која нашата држава негува одлични билатерални односи, ќе постапи по нашето барање. Очекуваме дека надлежните институции на Република Србија ќе ја коригираат вертикалната сигнализација и ознаките на автопатот Е-75, со цел да биде поставен правилниот меѓународен код – ‘МК’ или ‘МКД’“, велат од МНР.

Од српската амбасада во Скопје, пак, не дале одговор ниту зошто досега не е постапено, ниту кога може да се очекува промена.

Стоилковиќ: „Ќе го сменам знакот, не е проблем“

Во јуни годинава, вицепремиерот и министер за политички систем Иван Стоилковиќ, лидер на Демократската партија на Србите во Македонија, изјави дека разговарал со директорот на „Патишта Србија“, кој му рекол дека ознаката не е поставена со намера да предизвика реакции и дека, доколку Македонија инсистира, знаците ќе бидат променети.

„Ќе го сменам знакот и ќе направам слика, само за да ви покажам дека правите проблем од нешто што не е проблем“, рече Стоилковиќ во гостување на Канал 5.

Но, неколку месеци подоцна, тој на својот фејсбук-профил објави правилник за сообраќајни знаци од 2020 година, каде како пример за национална автоознака е илустриран токму кодот „НМК“. Тој праша дали претходната влада на СДСМ ја прифатила оваа ознака и дали се направени обврски што државата сега мора да ги следи.

Министерството за транспорт – без конкретен одговор

Иако правилникот на кој се повика Стоилковиќ е донесен во 2020 година, македонските институции не дадоа објаснување зошто истиот не е ревидиран за да се усогласи со меѓународните кодови. Министерството за транспорт најави дека ќе го разгледа прашањето и ќе го отвори на повисоко политичко ниво.

Ставот на претседателката Сиљановска-Давкова

Најновиот сигнал дека случајот повторно ќе се отвори дојде од претседателката Гордана Сиљановска-Давкова, која најави дека прашањето ќе биде покренато на меѓудржавно ниво, со цел конечно да се затвори оваа дипломатска недоследност.