Филипче: Македонија е во сериозна меѓународна изолација поради политиките на власта

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче: Македонија е во сериозна меѓународна изолација поради политиките на власта

18 јануари 2026

• од Станча Јаќимовски

Венко Филипче, изјави дека Северна Македонија се соочува со сериозна меѓународна изолација како директна последица на политиките на актуелната власт, додека јавноста, наместо конкретни одговори за клучните проблеми, секојдневно е изложена на дефокус и црна кампања.

На прес-конференција, Филипче нагласи дека власта избегнува да даде одговори за суштински прашања кои директно го засегаат животот на граѓаните.

„Нема одговор на вистинските прашања – за дупката во буџетот од 2 милијарди евра, за тоа што нема средства за зголемување на платите и пензиите, за прашањето со мигрантите, за црниот капитал преку Алата банка и за корумпираните тендерски постапки низ целата држава. Ова се проблеми со кои граѓаните секојдневно се соочуваат, а одговори нема“, истакна Филипче.

Тој обвини дека наместо решавање на овие прашања, власта свесно креира атмосфера на јавен линч и политички дефокус.

„Нема ништо за реалните проблеми. Само дефокус, јавен линч и црна кампања“, рече лидерот на СДСМ.

Според Филипче, ваквите политики имаат сериозни последици врз меѓународната позиција на државата, која, како што оцени, е директно деградирана.

„На листите сме рамо до рамо со земји од третиот свет поради политиката на изолација, криминал и корупција, како и поради контактите со структури како ноќните волци, блиски до Путин, со кои се среќаваат луѓе од врвот на власта. Доста е веќе“, порача Филипче.

Тој додаде дека актуелната власт ја девалвирала политиката до степен што граѓаните се заситени од, како што рече, манипулации и празни наративи.

„На граѓаните им е потребен подобар живот – повисок животен стандард, повисоки плати и пензии, сигурна иднина и јасен пат кон Европа. Тоа е суштината на политиката и за тоа треба да зборуваме“, заклучи Филипче.