Филипче: Мицкоски е скапо платен извршител на странски интереси против Македонија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче: Мицкоски е скапо платен извршител на странски интереси против Македонија

04 јули 2025

• од Вардарски

Претседателот на Социјалдемократскиот сојуз на Македонија (СДСМ), д-р Венко Филипче, упати жестоки обвинувања кон премиерот Христијан Мицкоски, нарекувајќи го „скапо платен спроведувач на интересите на држави кои не ѝ мислат добро на Македонија“.

На трибината „Мугра на Слободата“ во Крушево, Филипче оцени дека за само една година владеење, ВМРО-ДПМНЕ ја заглавила Македонија на меѓународен план и ја претворила во заложник на странски интереси.

„За една година ВМРО-ДПМНЕ ја заглави државата на меѓународен план. Од држава со јасна иднина напред, станавме држава заложник на туѓи интереси кои ја раководат оваа власт преку финансиско заложништво. Мицкоски е скапо платен спроведувач на политики на држави кои не ѝ мислат добро на Македонија, туку ја гледаат само како поле за своите геостратешки интереси“, изјави Филипче.

Тој дополнително предупреди дека задолжувањата направени од актуелната влада се сериозен удар врз иднината на земјата.

„Долговите од 7 милијарди евра ќе бидат камен околу вратот за секој млад човек и за развојот на државата во следните 10 години. Ова е вистинско предавство на националните интереси, вистинско предавство на државата“, рече тој.

Филипче го обвини Мицкоски и за киднапирање на европската перспектива на Македонија, нагласувајќи дека државата е турната во амбис на криминал, корупција и самоволие.