Филипче од Гостивар: Национализмот на ВМРО-ДПМНЕ ја дели државата

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче од Гостивар: Национализмот на ВМРО-ДПМНЕ ја дели државата

16 октомври 2025

• од Станча Јаќимовски

Претседателот на СДСМ, Венко Филипче, од Гостивар испрати порака за единство и остро ја критикуваше актуелната власт, обвинувајќи ја дека преку национализам и поделби се обидува да го прикрие сопствениот неуспех.

„Силата е во заедништвото, не во поделбите“

„Овој град знае дека силата е во заедништвото, не во поделбите,“ порача Филипче на митингот во Гостивар. Тој рече дека ВМРО-ДПМНЕ ја користи политиката на поделби за да го одвлече вниманието на граѓаните од економските и социјалните проблеми.
„Тие што денес владеат се обидуваат да не разделат – со лаги, со поделби, со национализам што треба да ја прикрие нивната неспособност“, додаде Филипче.

Критика за економските политики на власта

Лидерот на СДСМ го обвини премиерот Христијан Мицкоски дека ја претставува економијата во лажно светло.
„Реалноста е дека буџетот е во дупка од 1,4 милијарди евра, јавниот долг достигнува над 62 проценти од БДП – највисоко ниво во регионот. Капиталните инвестиции се помалку од половина реализирани, а странските инвестиции скоро и да ги нема,“ истакна тој.

Филипче посочи дека минималната плата и натаму е меѓу најниските во регионот, пензионерите добиле помалку од ветеното, а студентите и земјоделците останале без соодветна поддршка.
„Над илјада студенти се без студентски оброк, ваучерите од 250 евра ги нема, а земјоделците во Полог се оставени сами – субвенциите се намалени, а откупните цени паднати,“ рече тој.

Гостивар како симбол на соживот и почит

Филипче го истакна Гостивар како пример за мултиетнички соживот и меѓусебна почит, велејќи дека токму од овој град ќе започне обновата на вредностите што биле системски разорени.
„Гостивар е симбол на достоинство и заедништво. Од тука ќе ја започнеме обновата на вредностите што не обединуваат,“ порача тој.

Повик за реформи и независно судство

На трибината во Маврово и Ростуше, Филипче се осврна и на последните препораки на Венецијанската комисија, нагласувајќи дека реформите во правосудството се итно потребни.
„Јасно е дека без независно судство нема праведна држава. Нашите предлози за реформските закони не се ни разгледани. Ниту еден од 12-те закони од реформската агенда не е поднесен во Собрание,“ рече Филипче.

Порака за иднината

Завршувајќи го своето обраќање, Филипче повика на сплотеност и обновување на довербата меѓу граѓаните:
„Само заедно можеме да ја вратиме државата на вистинскиот пат – на стабилност, достоинство и просперитет.“