Филипче: Постојат сомнежи дека системот „Safe City“ штити лица блиски до ВМРО-ДПМНЕ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче: Постојат сомнежи дека системот „Safe City“ штити лица блиски до ВМРО-ДПМНЕ

07 март 2026

• од Станча Јаќимовски

Претседателот на Социјалдемократскиот сојуз на Македонија (СДСМ), д-р Венко Филипче, во гостување во емисијата „Click Plus“ на ТВ21 изјави дека постојат сомнежи оти системот „Safe City“ можеби штити лица блиски до ВМРО-ДПМНЕ, соопштија од СДСМ.

Филипче истакна дека СДСМ го поддржува унапредувањето на безбедноста во сообраќајот, но посочи дека остануваат отворени сериозни прашања во врска со контролата и управувањето со податоците што ги собира системот.

„Што се случува со податоците? Како може да поддржиме закон во кој воопшто не е регулирано што се случува со податоците што ги собира системот ‘Safe City’? Камерите снимаат насекаде низ градот, а никој не знае каде се чуваат тие податоци и кој има контрола врз нив“, изјави Филипче.

Тој додаде дека до СДСМ стигнале информации дека одредени регистарски таблички на возила кои им припаѓаат на членови на ВМРО-ДПМНЕ биле отстранети од системот „Safe City“, со цел тие возила да не бидат евидентирани и санкционирани.

„Имаме информации дека некои таблички на автомобили на членови на ВМРО-ДПМНЕ се отстранети од системот ‘Safe City’, за да не се регистрираат и да не бидат казнувани нивните луѓе“, рече Филипче.

Тој нагласи дека овие информации се сериозни и дека во наредниот период очекува да се појават и дополнителни детали.

„Ова се информациите што пристигнуваат до нас и ќе видиме во следниот период какви други информации ќе излезат“, изјави Филипче.

Во интервјуто, Филипче исто така оцени дека владата предводена од ВМРО-ДПМНЕ не покажува волја за системски решенија кои се во интерес на граѓаните.

„Нема желба од оваа влада да се направи нешто суштинско во интерес на сите. Ова е најлошата влада во историјата на државата. Тие немаат ниту знаење, ниту капацитет, ниту искуство како се води држава, а немаат ниту желба да направат нешто добро за граѓаните“, изјави Филипче.