Градежниците незаштитени од сонцето: Синдикатот бара итни мерки од Владата

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Градежниците незаштитени од сонцето: Синдикатот бара итни мерки од Владата

10 јуни 2025

• од Станча Јаќимовски

Во екот на високите температури што го зафатија Скопје, градежните работници продолжуваат да работат без соодветна заштита од жештините. Додека улиците се празнат под притисок на сонцето, а термометрите покажуваат над 35 степени Целзиусови, градежниците остануваат на своите позиции – на скелиња, бетонски плочи и машини кои зрачат дополнителна топлина.

Обиколките на новинарските екипи, вклучувајќи ја и Телевизија Алсат, забележаа работници без основни средства за заштита – капи, вода, сенка. Сцените од теренот откриваат алармантна реалност во која здравјето и безбедноста на работниците се оставени на милост и немилост на времето.

Иван Пешевски од Градежниот синдикат истакнува дека препораките од Владата не се доволни. Иако постојат упатства за прекин на работата во периодот од 11 до 17 часот во услови на портокалова или црвена метео-фаза, нивната примена останува селективна и без контролен механизам.

„Кај нас, кога има препорака, никој не го пали алармот. Работата продолжува, без разлика дали температурите се пеколни или смрзнувачки. Најголем дел од повредите и жртвите се случуваат токму на тие подвижни градилишта – места изложени на висок ризик, за кои со години бараме бенефициран стаж, но и понатаму сме игнорирани“, изјави Пешевски.

Синдикатот најави дека веќе утре ќе поднесе официјален апел до Владата, со барање за законски измени кои ќе забранат работа на отворено за време на екстремни температури. Актуелната состојба станува уште позагрижувачка имајќи предвид дека летото допрва започнува, а веќе се најавени нови топлотни бранови за оваа и следната недела.

Повикувајќи на одговорност, Синдикатот бара институциите конечно да преземат конкретни мерки за заштита на градежниците, кои и покрај екстремните услови – продолжуваат да го градат Скопје со сопственото здравје како влог.