Хоџиќ: Влијанието на српскиот свет ја оддалечува Северна Македонија од Европа

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Хоџиќ: Влијанието на српскиот свет ја оддалечува Северна Македонија од Европа

05 февруари 2026

• од Станча Јаќимовски

Северна Македонија се наоѓа во длабока општествена и политичка криза поради неодговорните политики на актуелната власт, порача претседателот на Странка на демократска акција на Македонија (СДА Македонија), Џелал Хоџиќ, на трибината „Предизвиците на Северна Македонија во 2026 година“. Настанот се одржа во хотелот „Best Western Hotel Turist“ и беше организиран од СДА Македонија.

Во своето обраќање, Хоџиќ истакна дека блокираните евроинтеграции, авторитарните тенденции на власта, лошата економска состојба и енормните задолжувања во милијарди евра ја довеле државата во сериозна општествена криза. Дополнително, како негативен фактор го посочи и влијанието на, како што рече, „српскиот свет“, што според него ја оддалечува земјата од европските демократски вредности.

„Со својата неодговорна политика, власта ја внесе Северна Македонија во општествена криза, во услови на блокиран европски пат, економска несигурност и растечка изолација“, нагласи Хоџиќ.

Тој остро ја критикуваше и надворешната политика на Владата, оценувајќи дека таа ја изолира земјата од демократскиот свет и се води во координација со авторитарни режими. Притоа, ги спомена унгарскиот премиер Виктор Орбан и српскиот претседател Александар Вучиќ, кои, според него, делуваат како „прокси-играчи на Путин во Европската унија и на Западен Балкан“.

Хоџиќ оцени дека актуелната власт покажала отсуство на политичка волја за уставни измени и за продолжување на европскиот пат, како и недостиг на капацитет за спроведување суштински реформи што би го подобриле животниот стандард на граѓаните. Тој го критикуваше и игнорирањето на иницијативите за законски измени со кои би им престанале функциите на политичарите што се наоѓаат на „црните листи“ на САД, ЕУ и Обединетото Кралство, како и забраната за учество на бизнисмени од истите листи и нивните компании на јавни тендери.

„Владејачкото мнозинство ја игнорира потребата од вакви законски измени, иако негативните последици од неодговорното владеење веќе ги чувствуваат граѓаните“, порача Хоџиќ, предупредувајќи дека последиците во наредниот период може да бидат уште посериозни.

СДА Македонија најави дека во наредниот период ќе започне теренска кампања под мотото „Време е за демократска акција!“, која ќе вклучува редовни средби со граѓаните низ целата држава. „Целта е заедно со граѓаните отворено да зборуваме за проблемите што власта ги игнорира и заеднички да ги бараме најдобрите решенија“, истакна Хоџиќ.

Од партијата упатија и повик до сите демократски и проевропски актери во општеството да започнат сериозен дијалог и да ги обединат напорите, без разлика на етничката припадност или моменталната политичка позиција, со цел Северна Македонија повторно да се врати на европскиот пат.