Кристијан: На Бугарите требаше да им се заблагодариме за Кочани, не да им свиркаме

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Кристијан: На Бугарите требаше да им се заблагодариме за Кочани, не да им свиркаме

03 ноември 2025

• од Станча Јаќимовски

Во изминатите денови јавноста бурно реагираше на појавувањето на бугарското знаме на концертот на Цеца во Македонија. За едни тоа беше навреда, за други – непотребна драма. Но според Кристијан Кристијан, проблемот не е во знамето, туку во лицемерието и политичката незрелост на Македонскиот народ.

„Македонците се тешки хипокрити и одвратни играчи во домашна и геополитика“, вели тој, објаснувајќи дека инцидентот се случил на ден Задушница – ден на покојните, кога наместо врева и омраза, требало да се испрати порака на почит и човечност. Наместо свиркање и омаловажување, Кристијан смета дека тоа бил момент во кој Македонија можела да покаже зрелост и достоинство – да го прифати бугарското знаме како гостинско, да се развее заедно со македонското и да се одржи краток говор на благодарност кон бугарскиот народ.

„Да им се заблагодаревме на Бугарите за примањето на осум пациенти од масакрот во Кочани – тоа ќе беше чин на величина, не на понижување“, додава тој. За него, токму таков потег ќе го замолчеше секој политичар што сее омраза меѓу двата народа и ќе ја отвореше вратата за искрено помирување.

Во продолжение тој остро ја критикува македонската политичка и интелектуална елита, која и по 35 години независност не научила да ја игра играта на вистинската политика. „Нашата пропаст е неизбежна – можеби не од куршум, но сигурно од сопствената глупост и недоразбирање,“ пишува Кристијан, споредувајќи го македонскиот народ со палестинскиот во смисла на внатрешна поделба и самоуништување.

„На крајот од денот, ние, Србите, Бугарите, Црногорците, Босанците и Хрватите зборуваме ист јазик, произлезен од истите индоевропски корени – тоа нема да го смени ниту еден политичар,“ додава тој во завршницата.

Во постскриптумот, Кристијан потсетува дека на само 300 метри од концертното место со години стои 5х5 метарско бугарско знаме со лавче во средина – без никој некогаш да протестира против него. „Македонецот е хипокритски народ, и затоа ова ќе биде првата и последна македонска држава што ќе постои,“ заклучува тој.

Со овој став, Кристијан Кристијан не само што ја отвора болната тема за националната незрелост и дволичност, туку повикува на нова перспектива: дека зрелоста на еден народ не се мери по тоа колку силно свири против другите, туку колку достоинствено знае да каже – „благодарам“.

Бугарското знаме и македонската хипокризија – став на Кристијан Кристијан