Ленче Ристоска бара јавно извинување од ВМРО-ДПМНЕ и најавува тужба: „Ова е обид за заплашување“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Ленче Ристоска бара јавно извинување од ВМРО-ДПМНЕ и најавува тужба: „Ова е обид за заплашување“

17 октомври 2025

• од Станча Јаќимовски

Обвинителката Ленче Ристоска, поранешна членка на Специјалното јавно обвинителство, остро реагираше на соопштението на ВМРО-ДПМНЕ насловено „Ристоска – тажен симбол за неправда со државни бонуси и службена картица во служба на Заев и Груби“. Таа смета дека ваквиот настап на партијата претставува обид за притисок и заплашување врз јавен обвинител кој моментално постапува по предмети во кои е засегната самата партија.

Две постапки против ВМРО-ДПМНЕ

„Постапувам по два предмети со кои е засегната политичката партија ВМРО-ДПМНЕ – еден каде партијата е обвинета за перење пари и друг каде има својство на лице врз кое е пренесена имотна корист прибавена со кривично дело. Двете постапки се во фаза на судење, а со судска одлука се замрзнати партиското седиште и уште 68 недвижности опфатени со обвиненијата“, изјави Ристоска.

Обид за влијание и заплашување

Обвинителката додаде дека соопштението не е обична политичка критика, туку намерен обид за влијание врз нејзината работа. Во него, според неа, се користат пораки кои асоцираат на заплашување, како што се „крај“ и „време на вистинска правда“.

„Ова е уште еден во низата напади на кои сум изложена изминатиот период“, изјави таа, додавајќи дека објавата содржи невистинити и навредливи тврдења — дека нејзиното професионално делување било под влијание на политички структури, дека самата си исплаќала бонуси и користела службени картички, како и дека ја симболизира моралната деградација на обвинителството.

Барање за извинување и најавена тужба

Ристоска најави дека ќе бара ВМРО-ДПМНЕ јавно да се извини во рок од седум дена или да ги докаже тврдењата. „Во спротивно, ќе поведам постапка за граѓанска одговорност за клевета и навреда против правното лице кое го објавило текстот“, порача таа.

Независноста на обвинителството е неприкосновена

Обвинителката потенцира дека како јавен обвинител има право и должност да реагира кога се загрозува независноста на обвинителството, владеењето на правото и принципот на поделба на власта.

„Мојата работа секогаш е насочена кон заштита на јавниот интерес, без разлика кој е сторителот на кривичното дело. Борбата против криминалот не зависи од тоа кој е на власт“, заврши Ленче Ристоска.