Михаил во пожарот ги изгубил девојката и најдобриот пријател, се борел и со суицидни мисли

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Михаил во пожарот ги изгубил девојката и најдобриот пријател, се борел и со суицидни мисли

02 декември 2025

• од Станча Јаќимовски

Одбраната на осудениот во случајот со пожарот во ноќниот клуб „Пулс“, Михаил Јованов, остро го оспори обвинителниот акт, нагласувајќи дека против него не постои ниту еден доказ за сторено кривично дело.

Адвокатката Ивана Гоцева, која го застапува Јованов, изјави дека обвинителството не прибавило ниту дејствие, ниту материјален доказ што би упатувал на негова одговорност.

„Товарот на докажување паѓа на страната на обвинението, не на одбраната. Со овој акт, ние сме ставени во ситуација да мора да ја докажуваме неговата невиност, што е целосно спротивно на начелата на правото“, истакна бранителката.

Обвинет без улога во клубот

Одбраната тврди дека Михаил Јованов никогаш не бил формален сопственик или управител на правното лице што го водело клубот, ниту имал било какво учество во его работење во периодот меѓу 2020 и 2025 година.

Воедно, нагласено е дека неговиот татко, Дејан Јованов, никогаш не му предал овластување за преземање одговорни функции во клубот.

Адвокатката отвори и директно прашање: „На кој начин и врз која правна основа е должен Михаил да презема заштитни мерки во објект кој не е негов и каде нема формална функција?“.

Студент и претприемач во критичните години

Како дополнителен аргумент, одбраната наведува дека во периодот од 2017 до 2021 година Михаил бил редовен студент на УКИМ и поголем дел од времето престојувал во Скопје. По студирањето, тој ја отворил сопствената компанија за дистрибуција „Карго бит ДООЕЛ Кочани“.

Одбраната предложи и сведоци – дел од вработените во неговата фирма, кои би треба да го потврдат неговото професионално секојдневие и обврски надвор од клубот „Пулс“.

Обвинението за настан со ДНК и пиротехника

Обвинителството го товари Михаил Јованов дека заедно со Владимир Блажев и неговиот татко договориле настап на ДНК, со наводна употреба на пиротехнички средства во затворен простор – дело квалификувано како „тешки дела против општата сигурност“.

Но одбраната категорично тврди:

Михаил не договарал настап,
не знаел за пиротехниката,
не бил присутен кога истата била внесена во објектот,
и немал правна должност да биде информиран, бидејќи не е одговорно лице.

Видео-докази од надзор

Адвокатката најави дека ќе приложи и видео-снимки од надзорни камери како доказ, со кои тврди дека Михаил на 15 март 2025 бил во просториите на својата фирма, а за првпат влегол во клубот дури во 2 часот и 5 минути по полноќ – неколку часа по внесувањето на спорните материјали.

„Не постои конкретно дејствие на загрозување што го презел Михаил, а кое би резултирало со пожарот. Тој е обвинет единствено затоа што е син на сопственикот“, нагласи одбраната, обвинувајќи го ОЈО за манипулација со јавноста и селективно објавување докази преку медиумите.

Лична трагедија и борба со менталното здравје

Пожарот во клубот, според одбраната, оставил тешки последици врз животот на Михаил Јованов. Тој во трагичниот настан ја изгубил својата долгогодишна партнерка, Бојана, со која планирал семејство, како и својот најдобар пријател.

По настанот, Михаил работел со стручни лица – психолози и психијатри – за да ги надмине тешките трауми и суицидни мисли.

Одбраната посочи дека нарушеното физичко и психичко здравје било дополнително поттикнато од објавите и шпекулациите во јавноста.

„In dubio pro reo“ како недостижна реалност

Иако одбраната се повика на можноста судот да одлучува по начелото in dubio pro reo (во случај на сомнеж, во корист на обвинетиот), адвокатката потенцираше дека во пракса „не можат да се ослонат на таква теза“, бидејќи околностите и притисокот ја прават недостижна.

Заклучок на одбраната

Гоцева заврши со ставот дека во случајот на Михаил Јованов не се исполнети основните елементи на кривично дело и дека обвинението е правно неиздржано и нелогично.

„Поставувам уште еднаш – кое дејствие на загрозување го преземал Михаил за да ја предизвика последицата? Нема такво дејствие, нема доказ, нема правна основа. Овој случај мора да се разгледува без предрасуди и без прикачување одговорност таму каде што не постои“, нагласи таа.