МВР: Министерот Тошковски на првиот академски час: Само со знаење, професионалност и компетенции државата ќе биде пример за регионот и Европа - 01 ОКТОМВРИ 2024

Министерот Тошковски на првиот академски час на Факултетот за безбедност – Скопје

Скопје, 1 октомври 2024 – Министерот за внатрешни работи, Панче Тошковски, денеска присуствуваше и се обрати на првиот академски час на Факултетот за безбедност при Универзитетот „Свети Климент Охридски“. Оваа институција, која опстојува повеќе од 47 години, е позната како најстара и најреномирана во областа на безбедноста во Македонија.

Во своето обраќање, министерот Тошковски ги поздрави бруцошите, нагласувајќи дека денешниот ден е особено емотивен и значаен за нив. Тој истакна дека новите студенти се основна алка во реализирањето на основните промени потребни за остварување на европските вредности за кои сите се стремат.

„Од вас, идните вработени во рамките на Министерството за внатрешни работи и сите институции на чија надлежност е безбедноста на граѓаните, се очекува многу. Се очекува професионалност, знаење, посветеност и, пред сè, љубов кон татковината. Македонија е она во коешто нашите предци многу вложиле, дале свои животи за да можеме денес да го живееме она што ни го оставиле. Само со знаење, професионалност, труд и посветеност ќе можеме да ја доведеме Македонија на ниво на кое сите сакаме да ја видиме – просперитетна Македонија, која ќе биде пример не само во регионот, туку и во Европа“, рече Тошковски.

Министерот исто така нагласи дека знаењето е највредниот капитал што никој не може да го одземе. „Единствено нешто што не може никој да ви го земе е знаењето. Само со знаење, компетенции и професионалност ќе можете да напредувате и само така ќе вредите, не само пред себе и вашите блиски, туку и пред граѓаните и Македонија“, додаде тој.

Тошковскиовиот говор остави силен впечаток на присутните, инспирирајќи ги младите да се посветат на своето образование и да работат за подобра и похрабра иднина на Македонија.