Над 1000 сообраќајни прекршоци за време на викендот – санкционирани 172 мотоциклисти без кацига

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Над 1000 сообраќајни прекршоци за време на викендот – санкционирани 172 мотоциклисти без кацига

09 јуни 2025

• од Станча Јаќимовски

Изминатиот викенд (07 и 08 јуни 2025 година), полициските службеници од сите сектори за внатрешни работи спроведоа интензивни сообраќајни контроли низ целата земја, при што беа евидентирани вкупно 1077 сообраќајни прекршоци.

Од вкупниот број прекршоци, 174 се однесуваат на возачи кои управувале моторни возила без возачка дозвола, а 65 возачи биле затекнати како управуваат под дејство на алкохол и веднаш биле исклучени од сообраќај. Посебно загрижува фактот што 172 возачи на мотоцикли биле санкционирани поради неносење на заштитна кацига – сериозно прекршување кое може да има фатални последици.

Во рамките на контролите и согласно Законот за безбедност на сообраќајот на патиштата, биле изречени и 156 прекршоци за непочитување на дозволената брзина на движење, 149 за недозволено паркирање, 58 за некористење на сигурносен појас и 24 мерки за користење мобилен телефон при управување со возило. Осум возачи биле санкционирани за минување на крстосница на црвено светло, а регистрирани се и три прекршоци кај возачи на електрични тротинети.

Дополнително, согласно Законот за возила, биле отстранети 49 нерегистрирани возила од сообраќај, како и седум возила поради техничка неисправност.

Министерството за внатрешни работи најавува дека сообраќајните контроли ќе продолжат и во наредниот период. Од таму апелираат до сите учесници во сообраќајот да ги почитуваат правилата и прописите, со цел зголемување на безбедноста и создавање на побезбедни патишта за сите.