Над 50 илјади стружани сè уште без вода за пиење по еколошкиот инцидент кај изворот Шум

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Над 50 илјади стружани сè уште без вода за пиење по еколошкиот инцидент кај изворот Шум

06 март 2026

• од Станча Јаќимовски

Повеќе од 50 илјади жители на Струга веќе речиси еден месец се соочуваат со сериозен проблем со водоснабдувањето, откако по еколошки инцидент кај изворот Шум водата од градскиот водовод е прогласена за небезбедна за пиење. И по последните анализи, забраната за користење на водата за пиење останува на сила.

Од ЈП „Водовод“ информираат дека состојбата внимателно се следи и дека секојдневно се земаат примероци за лабораториска анализа. Според нивните информации, матноста на водата во водоводната мрежа постепено се намалува и се приближува до дозволените граници. Сепак, вредностите на матност кај изворот Шум и понатаму варираат, поради што водата сè уште не ги исполнува потребните стандарди за квалитет.

Потврда за тоа доаѓа и од Институтот за јавно здравје, каде што исто така биле направени дополнителни проверки на примероци од водата.

„Резултатите се готови и испратени до надлежните институции. Информирани се Агенцијата за храна и ветеринарство, Државниот санитарен и здравствен инспекторат и Министерството за здравство. Ние ги известуваме институциите кога ќе забележиме неисправност. Во конкретниот случај имавме отстапување на параметарот за матност и, согласно правилниците, во тој примерок водата не беше за пиење“, изјави директорката на Институтот за јавно здравје, Марија Андоновска.

Во меѓувреме, граѓаните на Струга веќе 25 дена се снабдуваат со вода за пиење преку цистерни поставени на неколку локации низ градот. Од ЈП „Водовод и канализација“ соопштија дека ова е привремена мерка во услови на вонредна состојба, сè додека водата од градскиот водовод повторно не стане безбедна за употреба.

Сепак, неизвесноста околу тоа кога проблемот ќе биде целосно решен останува. Со затоплувањето на времето и порастот на температурите, ситуацијата станува сè поалармантна и предизвикува сериозна загриженост кај локалното население.

Случајот со загадувањето на изворот Шум е веќе предмет на истрага на Основното јавно обвинителство во Струга. Целта е да се утврди дали постои кривична одговорност за еколошкиот инцидент. Според информациите од терен, при увид биле затекнати машини на две компании кои вршеле ископни работи во близина на изворите.

Експерти од Градежниот факултет во Скопје, кои направија теренски увид и анализа на состојбата, предупредуваат дека кризата нема да се реши брзо. Тие препорачуваат итно воспоставување санитарни заштитни зони околу изворите, ограничување на активностите во сливното подрачје и долгорочно планирање на нови извори за водоснабдување.

Додека институциите работат на решавање на проблемот, жителите на Струга продолжуваат да се соочуваат со секојдневни потешкотии во снабдувањето со основниот ресурс – чиста вода за пиење.