Нафие Селмани: Овие избори не ги доби никој

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Нафие Селмани: Овие избори не ги доби никој – ги загуби демократијата!

04 ноември 2025

• од Станча Јаќимовски

Нафие Селмани, поранешна новинарка, активистка и поранешен член на партијата Alternativa, на својот профил на Фејсбук објави критичка анализа за последните избори, во која остро укажува на кризата на демократијата и недовербата на граѓаните кон политиката.

„Овие избори не ги доби никој – ги загуби демократијата!“, пишува Селмани, додавајќи дека излезноста од само 41%, најниска од 1996 година, е „алармантен знак за демократскиот систем“.

Во својата објава, таа нагласува дека во една вистинска демократија, гласањето не е само право, туку и граѓанска обврска, а фактот што околу 60% од гласачите не излегле на избори, покажува дека „проблемот не е само во граѓаните, туку во изгубената доверба и недостигот од нови политички понуди“.

Селмани посочува и на големиот број неважечки ливчиња – околу 100 илјади во првиот круг и 19 илјади во вториот – што, според неа, е јасен знак на одбивање и револт.

„Тоа е начинот на граѓаните да порачаат: ‘Никој не нè претставува’“, пишува таа.

Таа смета дека сите партии бележат пад во поддршката, што сведочи за заморот на гласачите од повторени, неисполнети ветувања и од недостатокот на вистински резултати.

„Политичките партии треба длабоко да размислат како ја свеле политиката на агенција за вработување на партиски активисти, пријатели и роднини“, наведува Селмани.
„Граѓаните, пак, треба да разберат дека бојкотот не ја менува политиката – туку ја остава во рацете на најнечесните.“

Според неа, рефлексија е потребна и кај партиите и кај граѓаните, но повеќе кај политичките субјекти, бидејќи „кога излезноста паѓа на историски минимум, а неважечките ливчиња се множат, системот се соочува со сериозна криза на легитимитет“.

Селмани завршува со горчлива забелешка:
„Во ваква состојба, потребно е национално, а не само партиско преиспитување. Но, сепак, изгледа дека оваа земја тешко ќе стане она што треба да биде.“