Обилните врнежи предизвикаа одрони, свлечишта и поплави во повеќе региони низ државата

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Обилните врнежи предизвикаа одрони, свлечишта и поплави во повеќе региони низ државата

10 јануари 2026

• од Станча Јаќимовски

Обилните врнежи од дожд што ја зафатија земјава изминатите денови предизвикаа одрони, свлечишта и локални поплави во повеќе региони, информираат од Центарот за управување со кризи (ЦУК). Според податоците до 12:30 часот, состојбата е динамична, а надлежните служби се постојано на терен.

Во Штип се регистрирани зачестени одрони од камења и свлечишта на коловозите, поради што надлежните апелираат на зголемена внимателност при сообраќајот.

Во Скопскиот регион засега нема нарушување на редовната состојба поврзана со врнежите од дожд.

Во Охрид, до 12:30 часот не се пријавени поплавени објекти. По престанокот на дождот, екипите на Кризниот штаб извршија теренска проверка на критичните точки на реката Далјан кај селата Орман и Дебелополе. Регистрирано е излевање на реката Сушица кај улицата „Прилепска“, каде ЈП „Нискоградба“ интервенира со механизација за спречување на понатамошно излевање. Надлежните предупредуваат дека доколку продолжат врнежите, постои опасност од излевање на реката Далјан кај Косел и селото Вапила.

Во Струга, поплавени се дворови во 4-ти Реон кај Мислешевски пат, како последица на надојдените води од Струшкото Поле. Известени се сите надлежни институции, а екипи на ТППЕ-Струга интервенираат со пумпи за испумпување на водата. На патниот правец Дебар – Струга има одрони, а екипите на Македонијапат се на терен и го одржуваат патот прооден.

Во Велешкиот регион нема нарушување на редовната состојба поврзана со врнежите од дожд и снег.

Во Битолскиот регион состојбата во градското подрачје е нормализирана. Во селото Кравари се заезерени 10 до 20 хектари земјоделски површини, без опасност по објектите. Во селата Жабени и Породин се поплавени околу 70 до 80 хектари земјоделско земјиште, а излевањето на Елешка Река зафатило околу 50 хектари. Водата постепено се повлекува во коритото. Поради поројните дождови, патот кон Буковскиот манастир е сериозно оштетен, а интервенира ЈП „Нискоградба“ со градежна механизација. Поради оштетен мост на Боишка река, локалниот пат кон селото Мренога е затворен за сообраќај. Поради заматување на водата за пиење, се препорачува нејзино превривање најмалку 10 минути.

Нивото на Црна Река кај селото Бучин е покачено, но стабилно и без опасност од излевање, при што насипите се дополнително зајакнати.

Од ЦУК најавуваат дека во текот на следната недела ЕЛС Крушево ќе формира комисија за пријавување и проценка на штети. ЕЛС Долнени досега има пријава за поплавен двор и приземни простории во село Лажани, како и штети на тутунот, а поплавувања се регистрирани и во селото Пешталево поради неисчистени канали, кои се веќе расчистени со механизација.

Во Ресенскиот регион поплавени се земјоделски површини, дворови, куќи и магацини за складирање јаболка. Нивото на Голема Река е зголемено од 1,40 на 1,65 метри, а ангажирани се сите расположливи машини и пумпи за испумпување на водата.

Во Струмица, како и во општините Куманово, Липково, Ранковце, Старо Нагоричане, Крива Паланка и Кратово, засега нема пријави за штети, ниту опасност од излевање на реките, а патните правци се проодни по влажни коловози.

Во Тетово и Гостивар, до 12 часот нема пријави за штети од врнежите, информираат од ЦУК.

Надлежните служби и понатаму ја следат состојбата на терен и апелираат граѓаните да бидат внимателни и да ги почитуваат препораките.