Проф. Фрчковски: Извештајот од ЕУ е полош од времето на Груевски

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Проф. Фрчковски: Извештајот од ЕУ е полош од времето на Груевски

11 ноември 2025

• од Станча Јаќимовски

Професорот Љубомир Фрчковски во гостувањето во емисијата „Во Центар“ остро ја критикуваше актуелната владејачка структура на ВМРО-ДПМНЕ, оценувајќи дека не ја сфаќа суштината на управувањето со државата и дека единствената опција која ѝ останува по изборите е авторитарен пристап.

Авторитарни тенденции и напад врз институциите

Фрчковски предупреди дека ВМРО-ДПМНЕ, наместо да се посвети на реформи и европски интеграции, би можела да се насочи кон рушење на обвинителството и судството и започнување на политички прогон.
„Единствена опција што ќе им остане е прилично авторитарна – да се обидат да го срушат обвинителството и судството и да започнат со прогон“, истакна тој.

Односот кон Европската Унија

Во своето излагање, професорот се осврна и на односот на партискиот лидер Христијан Мицкоски кон Европската Унија и кон последниот Извештај за напредокот на Европската комисија, кој го нарече „извештајче“.
„Гледајте како се однесуваат кон една клучна операција што треба да ја влече земјата напред – тоа е ЕУ. Тие го третираат тоа како нешто безначајно, како ‘извештајче’. Практично велат дека тоа не се однесува на нас, не не интересира. Ние сме ориентирани внатре“, рече Фрчковски, додавајќи дека „внатре нема што повеќе да се ориентира – сè е празно“.

Национализам и партиска затвореност

Фрчковски оцени дека ВМРО-ДПМНЕ функционира како „племенска организација“ и дека не ја сфаќа државничката одговорност.
„Партијата има две основи – омразата кон надворешниот свет и функционирањето како племенска заедница што ги брани своите. Тие не можат да разберат дека водејќи држава треба сите да имаат некаков бенефит. Вие ја водите Македонија, не ја водите Вмровија“, нагласи тој.

„Историјата ќе им суди“

На крајот, Фрчковски оцени дека партијата не успеала да се ослободи од националистичкиот популизам и дека изборите не донеле катарза.
„Историјата ви суди. Извештајот на ЕУ е полош од оној во времето на Груевски. Оваа катастрофа тие не можат да ја избришат“, додаде тој.