СДСМ: Десет години од заминувањето на Груевски – „истите политики се враќаат“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Десет години од заминувањето на Груевски – „истите политики се враќаат“

18 јануари 2026

• од Станча Јаќимовски

СДСМ денеска со соопштение потсети дека во јануари се навршуваат десет години од оставката на Никола Груевски во 2016 година, оценувајќи дека со неговото повлекување започнал крајот на, како што наведуваат, „11-годишен режим“ кој ја уназадил државата на повеќе полиња.

Според СДСМ, периодот на владеење на ВМРО-ДПМНЕ бил обележан со системска корупција и криминал, партизација на институциите, притисоци врз судството и медиумите, ограничување на слободите и демократските стандарди, како и меѓународна изолација. Во соопштението се потенцира дека во тој период земјата не беше членка на НАТО и беше далеку од Европска унија.

Опозицијата наведува дека граѓаните тогаш живееле со ниски плати и ограничени права, во амбиент на политички притисоци, „црни кампањи“ и поделби. СДСМ смета дека денес, десет години подоцна, „истите политики“ повторно се враќаат, посочувајќи дека во последните две години земјата повторно оди кон изолација и оддалечување од европските интеграции и стратешкото партнерство со Соединети Американски Држави.

Во соопштението се критикува актуелната влада предводена од Христијан Мицкоски, со тврдења за пад на животниот стандард, најниски плати во регионот, нов бран партизација, притисоци врз судството и обвинителството и, како што се наведува, „цветање на криминалот и корупцијата преку сомнителни тендери“. СДСМ обвинува и за притисоци врз медиумите и загрозување на демократските слободи.

Партијата порачува дека „на исто сме со ВМРО, само на местото на Груевски е Мицкоски“ и апелира за, како што велат, враќање на власта „во рацете на народот“.

Владата на Никола Груевски заврши со длабока политичка и институционална криза, нарушена меѓународна репутација и сериозно нарушена доверба во демократските процеси. Последиците од тој период сè уште се предмет на јавни и политички дебати, а прашањето за враќање на европските стандарди и меѓународниот углед останува централна тема во домашната политика.