СДСМ обвинува: Усвоен Закон за „Safe City“ без контрола

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ обвинува: Усвоен Закон за „Safe City“ без контрола – вовед во недемократски избори

24 јануари 2026

• од Станча Јаќимовски

Социјалдемократскиот сојуз на Македонија (СДСМ) остро реагира на усвојувањето на Законот за прекршоци, со кој се регулира проектот „Safe City“, оценувајќи дека станува збор за сериозна закана по демократските слободи и приватноста на граѓаните.

Според СДСМ, владејачката коалиција ВМРО-ЗНАМ, со поддршка на ДУИ, усвоила закон што овозможува масовно снимање и следење преку околу 65.000 камери, без јасни и строги механизми за контрола. Партијата посочува дека биле одбиени предлози за прецизни правила и заштитни механизми, како во самиот закон, така и во измените на Кривичниот законик.

Иако проектот „Safe City“ бил започнат во време на владата на СДСМ и има значење за подобрување на безбедноста во сообраќајот, од партијата предупредуваат дека ваквиот начин на законско уредување отвора простор за сериозни злоупотреби. Според нив, Министерството за внатрешни работи може да се претвори во партиски инструмент за следење, притисок и уцена на граѓаните.

СДСМ оценува дека зад усвојувањето на законот стои координирана политичка игра меѓу ДУИ и ВМРО, кои, како што наведуваат, паралелно договараат клучни политички чекори, вклучително и подготовка за избори. Како дополнителен показател, од партијата посочуваат дека останува уште укинувањето на техничката влада, по што би се создале услови за изборен процес без демократски стандарди.

Во реакцијата се наведува и дека анти-ЕУ реториката и кампањите дале резултати, а актуелните настапи на премиерот од меѓународни форуми се оценуваат како политички маркетинг без суштинска европска агенда. СДСМ предупредува дека се враќаат практики карактеристични за периодот пред една деценија, со силна контрола врз институциите и медиумите.

Според партијата, преку контролирани медиуми се води постојана црна кампања, хајка и јавен линч, со цел ослабување и разединување на единствената опозициска сила. Крајната цел, како што наведуваат, е создавање контролирана опозиција и обезбедување уште еден мандат преку недемократски избори.

„Теренот е речиси подготвен за избори со кои граѓаните ќе бидат држени како заложници уште четири години, а криминалот и корупцијата ќе продолжат“, предупредува СДСМ, додавајќи дека ваквиот курс води кон изолација на државата и економска и институционална пустош.

Од партијата порачуваат дека СДСМ останува единствената вистинска опозициска партија, со нова енергија и поддршка од граѓаните. „Ние нема да се продадеме – ниту за тендери, ниту за какви било интереси. Нема да бидеме контролирана опозиција“, се вели во пораката.

СДСМ истакнува дека продолжува со борбата за враќање на власта во рацете на граѓаните и за зачувување на демократските вредности во државата.