СДСМ: Трипуновски ја манипулира јавноста, пченицата порано се продавала и по 17 денари

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Трипуновски ја манипулира јавноста, пченицата порано се продавала и по 17 денари

06 јули 2025

• од Станча Јаќимовски

СДСМ остро реагира на изјавите на претставникот на ВМРО-ДПМНЕ, Цветан Трипуновски, околу откупната цена на пченицата. Од партијата обвинуваат дека Трипуновски свесно ја манипулира јавноста и земјоделците, посочувајќи дека цената од 12 денари за килограм не е историски рекорд, како што тој тврди.

„Очигледно е дека Трипуновски заборавил дека пченицата во време на жетва се продавала и по 17 денари за килограм, и тоа не така одамна“, стои во соопштението од СДСМ.

Според партијата, реалноста на терен е далеку поинаква од сликата што се обидува да ја прикаже ВМРО-ДПМНЕ. СДСМ наведува дека само околу 20% од пченицата ќе се откупи по најавената цена од 12 денари за килограм, додека остатокот од 80% ќе оди по цена од 10 денари.

„Трипуновски треба да знае дека земјоделството не се менаџира од канцеларија. Во млиновите цената дополнително се намалува со образложение дека квалитетот не е добар, следуваат одбитоци, и на крај цената не надминува 10 денари“, велат од СДСМ.

Партијата потсетува дека пченицата е стратешка земјоделска култура согласно Законот за земјоделство и рурален развој и токму затоа смета дека ваквиот однос кон производителите е недозволив.

СДСМ обвинува дека земјоделците се понижени и осиромашени од политиките на актуелната влада, со намалени субвенции и укинати мерки важни за оваа гранка.

„СДСМ секогаш ќе биде на страната на земјоделците. Затоа поднесовме амандмани преку ребалансот на Буџетот, со кои бараме дополнителна интервенција од 5 денари по килограм предадена пченица кај откупувачите“, порачуваат од партијата.