Тошковски: 110.000 сообраќајни прекршоци за 24 часа во Скопје

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Тошковски: 110.000 сообраќајни прекршоци за 24 часа во Скопје – од 2026 и странските возачи ќе плаќаат

02 декември 2025

• од Станча Јаќимовски

Камерите во Безбеден град во Скопје за само 24 часа регистрирале околу 110.000 сообраќајни прекршоци – бројка што министерот за внатрешни работи Панче Тошковски ја оцени како „катастрофална“.

Според изјавата, над 90% од прекршоците се однесуваат на пречекорување на дозволената брзина. Во истиот временски период, камерите забележале и приближно 1.000 прекршоци за нерегистрирани возила и 5.000 за поминување на црвено светло. Министерот увери дека селективен пристап нема да има – јавните правила ќе важат и за високите функционери, вклучувајќи ги и политичките носители на функции и нивните возачи.

Тошковски посочи дека, во рамки на редовното вршење на јавните обврски, секој функционер што ќе изврши прекршок ќе биде санкциониран. Тој откри дека најмалку тројца службени возачи на министри веќе биле казнети директно од полициски службеници, иако не беа објавени имињата на министрите. Казните, како што беше појаснето, не доаѓаат преку камерскиот систем, туку преку класична полициска контрола на терен.

Странски возачи – информирани, но не и блокирани на граница

Во врска со прекршоците извршени од странски возачи, министерот истакна дека ниту странските возила нема да бидат поштедени од санкции. Според важечкото законодавство, полицијата не може да спречи странско возило да ја напушти државата при излез од Македонија. Но, прекршителите ќе добијат јасно предупредување – нема да им биде дозволен повторен влез во државата доколку не ја платат казната.

„При излез од Македонија не можат да бидат спречени да излезат, согласно закон, но ќе бидат информирани дека нема да им биле дозволен влез во Македонија доколку нема да ја платат казната“, изјави Тошковски.

Пробен период и казнување од 2026

Проектот Безбеден град вчера официјално го започна својот едномесечен пробен период, кој ќе трае до крајот на декември. Активното казнување преку камерскиот систем, пак, ќе стартува од 1 јануари 2026 година, од кога прекршоците автоматски ќе повлекуваат санкции.

Тошковски оцени дека целта на проектот останува намалување на жртвите во сообраќајот, но истовремено призна дека системот има слабости. Министерството, како што кажа, останува отворено за надградби и нови технолошки или административни решенија што би можеле дополнително да придонесат за зголемување на сообраќајната безбедност и спасување човечки животи.