УЈП: Возвратот на средства преку МојДДВ за третиот квартал не е прекинат ниту откажан

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

УЈП: Возвратот на средства преку МојДДВ за третиот квартал не е прекинат ниту откажан

02 декември 2025

• од Станча Јаќимовски

Возвратот на ДДВ средства за граѓаните преку системот МојДДВ продолжува и не е суспендиран, ниту пак откажан, информираат од Управa за јавни приходи.

Од институцијата објаснуваат дека при исплатата за дел од подготвените спецификации е забележан технички проблем, поради кој целите системски пратки се враќаат и мора комплетно да се преработат.

Што го предизвикало застојот?

Според УЈП, проблемот настанува кога еден од корисниците во заеднички исплатен налог ги променил податоците за банка или трансакциска сметка.

– Ако постои дури и само еден налог каде се појавува корисник со промена на банка или сметка, целата пратка системски се враќа, и средствата не се исплаќаат за ниеден од останатите корисници во истиот налог, објаснуваат од УЈП.

Техничкиот предизвик веќе е идентификуван, а надлежните служби работат на негово надминување, со цел процесот да продолжи без идни системски блокади.

Исплатата веќе тече

УЈП уверува дека возвратот на средства за граѓаните кои имаат валидни и потврдени податоци моментално е во тек.

За останатите корисници, исплатата ќе биде реализирана веднаш по завршување на техничката преработка на спецификациите.

„Нашата цел е да обезбедиме точна, правична и целосна исплата кон сите граѓани без исклучок“, истакнуваат од институцијата.

Апел до граѓаните

Од Управa за јавни приходи испратија и апел до корисниците:

🔹 Доколку вршат промена на банка или трансакциска сметка, да ги ажурираат податоците веднаш во системот;

🔹 Ажурирањето е важно за да се избегнат идни враќања на цели системски пратки и нови застои во исплатата.

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 денЗаштедете 152.00 ден

Купи сега

Последни вести

МАКЕДОНИЈА

18 јуни 2026

Проф. Ангел Димитров: Антибугарската пропаганда во С. Македонија нема слободен ден од 1944 година