Унгарската 4iG станува мобилен оператор во С. Македонија: чекор подалеку од ЕУ, поблиску до „српскиот свет“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Унгарската 4iG станува мобилен оператор во С. Македонија: чекор подалеку од ЕУ, поблиску до „српскиот свет“

17 јануари 2026

• од Тодор Вангелов

Унгарската телекомуникациска групација 4iG, преку својата подружница One North Macedonia, официјално ја обезбеди позицијата на трет мобилен оператор во Македонија, отворајќи сериозни прашања за стратешката ориентација на државата во чувствителен геополитички момент.

Агенцијата за електронски комуникации оваа недела потврди дека One е добитник на радиофреквенции за обезбедување 5G услуги, откако беше единствен понудувач на јавниот тендер за трет мобилен оператор. Компанијата доби спектар во опсезите од 700 MHz, 1.800 MHz и 3 GHz.

Со овој потег, Македонија дополнително се оддалечува од европските телекомуникациски и регулаторни текови, а се приближува кон т.н. „српски свет“, каде што доминираат политички и економски структури блиски до унгарскиот премиер Виктор Орбан – лидер кој е сè поизолиран и фактички политички прогонет во рамките на Европската Унија.

Унгарија под водство на Орбан е веќе маргинализирана и санкционирана од Брисел поради систематско поткопување на владеењето на правото, медиумските слободи и европските вредности. Во тој контекст, економската експанзија на унгарски капитал во чувствителни сектори на Балканот, вклучително и телекомуникациите, се смета за обид за создавање алтернативна зона на влијание надвор од европскиот институционален поредок.

4iG ја регистрираше својата подружница во Македонија во текот на 2024 година, со што формално го отвори патот за влез на пазарот. Земјата досега беше опслужувана од T-Mobile и A1 Македонија, додека Lycamobile функционира како виртуелен оператор со нискобуџетни понуди.

Унгарската групација веќе има значително присуство на Балканот, особено во Албанија и Црна Гора. Во 2023 година, 4iG ја заврши контроверзната консолидација на албанските телекомуникациски оператори ALBtelecom и ONE Telecommunications, создавајќи го гигантот ONE Albania. Претходно, во 2022 година, групацијата ги презеде унгарските операции на Vodafone – трансакција која беше јавно поддржана од владата на Орбан.

Аналитичарите предупредуваат дека ваквите потези не се само комерцијални, туку имаат и јасна политичка димензија, со ризик Македонија постепено да се оддалечува од европската интегративна агенда и да стане дел од регионална сфера на влијание што се гради спротивно на вредностите и стандардите на Европската Унија.