Уште една можна жртва ќе се откопува во истрагата за серискиот убиец од Старо Нагоричане

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Уште една можна жртва ќе се откопува во истрагата за серискиот убиец од Старо Нагоричане

03 март 2026

• од Станча Јаќимовски

Обвинителството најави ексхумација на уште една почината жена од кумановскиот регион, која се разгледува како можeнa жртва во случајот со осомничениот сериски убиец од Старо Нагоричане. Станува збор за повозрасна жена од истиот регион, чијашто смрт претходно не била детално истражена, а телото било закопано без утврдување на точната причина за смртта.

Од обвинителството засега не откриваат идентитет, но посочуваат дека околностите околу случајот наликуваат на претходните два документирани случаи. Доколку се потврди поврзаност со 25-годишниот осомничен Трајко Бојковски, тоа би значело дека станува збор за негова трета жртва.

Цврсти докази за претходните две жртви

Во истрагата веќе се обезбедени цврсти докази за убиствата на 78-годишната Мира и 35-годишната Марија. Телото на Марија претходно беше ексхумирано и дадено на обдукција. Судско-медицинските наоди покажале дека двете жени биле задушени и имале тешки телесни повреди. Дополнително, ДНК-анализата потврдила поврзаност на осомничениот со делата.

Осомничениот во моментов се наоѓа во притвор во затворот во Куманово.

Се истражува и можна институционална одговорност

Покрај директната одговорност на осомничениот, обвинителството паралелно ја истражува и улогата на лица од неговото блиско опкружување, како и евентуалните пропусти на институциите.

Се проверува дали членови на семејството или други лица учествувале или помогнале во прикривање на делата. Истовремено, под лупа се и претходни пријави за обиди за убиства, напади и кражби кои не биле процесуирани.

Според информациите од истрагата, во ниту еден од случаите не бил повикан јавен обвинител да изврши увид на лице место. Жртвите биле погребани без да се отвори сомнеж за можно кривично дело. Се разгледува евентуална одговорност кај лекари, службени лица и полициски службеници кои постапувале во конкретните случаи.

Ново психијатриско вештачење

Во обвинителството веќе постои претходно вештачење за здравствената состојба на осомничениот, изработено во друг предмет поврзан со тешка кражба, за кој тој не бил кривично гонет. Сега е побарано ново психијатриско вештачење, кое треба да ја утврди неговата психичка состојба и пресметливост во моментот на извршување на делата.

Според претходни информации, уште како средношколец осомничениот покажувал проблематично однесување – следел и напаѓал жени. Иако биле известени надлежните социјални служби, не биле преземени соодветни мерки. Од училиштето било наведено дека семејството не покажувало интерес за соработка.

Според сведоштва од локалното население, тој секојдневно се движел низ селата со велосипед, внимателно набљудувајќи го теренот.

Истрагата продолжува, а надлежните најавуваат дека ќе бидат испитани сите околности – и индивидуалната одговорност и евентуалните институционални пропусти што овозможиле осомничениот подолг период да остане неоткриен.