ВЛЕН: Споменикот на Ќосето е симбол на поделба, а не на заедништво

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ВЛЕН: Споменикот на Ќосето е симбол на поделба, а не на заедништво

30 јули 2025

• од Станча Јаќимовски

Движењето ВЛЕН остро реагира на повторното поставување на споменикот на Андон Ќосето во Скопје, повикувајќи ја партијата ДУИ да преземе политичка и морална одговорност за своето учество во градската власт. Во нивното соопштение, ВЛЕН порачува дека Данела Арсовска не е изолиран феномен, туку дел од подлабок систем кој, иако формално завршен, сè уште дејствува преку стари кадри и политички договори.

Според ВЛЕН, ДУИ е интегрален дел од градската администрација на сите нивоа и не може да се ослободи од одговорноста за повторното инсталирање на споменикот на контроверзната историска фигура. „Тоа не е случајна, ниту изолирана грешка — тоа е продолжение на политики кои го навредуваат Скопје како мултиетнички и модерен град“, се наведува во соопштението.

ВЛЕН потсетува дека првото поставување на споменикот се случило за време на владеењето на Никола Груевски, со активна улога на министри од редовите на ДУИ — Блерим Беџети и Бујар Османи, кои тогаш, според ВЛЕН, молчешкум ги поддржувале провокативните постапки на владата. Повторната појава на истиот споменик, според ВЛЕН, претставува повторување на истата политичка матрица, сега со Арсовска и сегашниот состав на градската власт.

„Во Град Скопје, Данела Арсовска не владее сама,“ порачува ВЛЕН, нагласувајќи дека значаен број функционери во градот се кадри на ДУИ. Според движењето, тие не се неми сведоци, туку активни учесници во системот кој го дозволил овој потег, кој, како што велат, го навредува духот на соживотот и мултикултурализмот.

ВЛЕН бара ДУИ да преземе конкретни чекори:

Да ги повика своите директори и функционери во Град Скопје да поднесат оставки;
Да ја прекине поддршката кон Данела Арсовска;
Да покаже дека не стои зад политиките на симболична провокација и историски ревизионизам.

„Тоа е единствениот морален потег што можат да го направат – во знак на солидарност со сите граѓани кои се чувствуваат повредени, меѓу кои Албанци, Турци, Бошњаци, па и Македонци кои веруваат во соживот, почит и заедничка иднина,“ се вели во завршницата на соопштението.

ВЛЕН завршува со повик за морал и отчетност, потенцирајќи дека „таа власт веќе заврши“, и дека е време политичките актери да покажат дека разбираат колку е сензитивен меѓуетничкиот баланс во земјата.

„Не си играјте со чувствата на народот за три месеци власт. Време е за морал.“ – стои на крајот од нивната порака.