Запрена нелегална градба во срцето на Охридската чаршија – објект без дозвола во УНЕСКО заштитена зона

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Запрена нелегална градба во срцето на Охридската чаршија – објект без дозвола во УНЕСКО заштитена зона

20 јуни 2025

• од Станча Јаќимовски

Во срцето на Старата охридска чаршија, која е дел од УНЕСКО заштитеното културно наследство, запрена е изградба на објект што се изведувал без соодветна дозвола. Министерството за транспорт информира дека Државниот инспекторат за градежништво и урбанизам, дејствувајќи во рамки на своите законски надлежности, спровел вонредна контрола на локацијата и констатирал сериозно прекршување на Законот за градење.

Инвеститорот, според извештајот, изведувал градежни активности без добиено одобрение за градба, што претставува директно кршење на прописите, особено имајќи предвид чувствителноста на локацијата. Како резултат на тоа, Инспекторатот донел решение (бр. ИП 1бр 74-137) со кое изградбата веднаш се стопира и објектот се затвора за понатамошни активности. Против инвеститорот ќе бидат поднесени соодветни пријави согласно законските регулативи.

Од Министерството за транспорт потенцираат дека контролите на терен ќе продолжат со засилен интензитет низ целата држава, со цел да се спречат слични прекршувања и да се заштити културното и урбанистичко наследство.

Старото градско јадро на Охрид е значајно културно-историско подрачје кое ужива меѓународна заштита уште од 1978 година, кога беше прогласено за дел од светското наследство. Во 1980 година, подрачјето официјално беше впишано на Листата на светско наследство на УНЕСКО како „Природно и културно наследство на Охридскиот Регион“.

Со оваа интервенција, институциите уште еднаш потсетуваат на важноста од зачувување на историските целини и неповредливоста на заштитените подрачја од несоодветни и нелегални градежни зафати.