Шкендија го слави трофејот – Тетовчани по петти пат шампиони на Македонија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СПОРТ

Шкендија го слави трофејот – Тетовчани по петти пат шампиони на Македонија

18 мај 2025

• од Вардарски

Фудбалскиот клуб Шкендија од Тетово официјално ја освои шампионската титула во Првата македонска фудбалска лига (ПМФЛ) за сезоната 2024/25, што претставува петта титула во клупската историја. Иако во последното коло загубија на домашен терен од Силекс со 1:3, тоа не ја засени славеничката атмосфера, бидејќи титулата беше обезбедена уште пред една недела.

Церемонијата на доделување на шампионскиот трофеј започна веднаш по крајот на натпреварот. Капитенот на Шкендија, Бесарт Ибраими, свечено го подигна пехарот, додека медалите и трофејот беа врачени од страна на претседателот на Фудбалската федерација на Македонија (ФФМ), Масер Омерагиќ, и поранешниот репрезентативец Агим Ибраими, денес член на Управниот одбор на ФФМ.

Оваа сезона ја одбележаа и индивидуални достигнувања – Бесарт Ибраими од Шкендија и Марко Ѓоргиевски од Силекс ја завршија сезоната како најдобри стрелци, со по 15 постигнати голови.

На европската сцена, Македонија ќе ја претставуваат Шкендија (квалификации за Лига на шампиони), Силекс и Работнички (Конференциска лига), како и победникот на финалето од Купот на Македонија помеѓу Вардар и Струга Трим Лум.

На дното од табелата, Воска и Гостивар се збогуваат со елитата, додека Беса ќе има можност преку бараж да се избори за останување во прволигашкото друштво.

Шампионската прослава на Шкендија уште еднаш ја потврди доминацијата на тетовскиот клуб во македонскиот фудбал и амбициите за настап на меѓународната сцена.