Албанија остро кон Србија: Не може да се изврти вистината за Косово

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Албанија остро кон Србија: Не може да се изврти вистината за Косово

08 октомври 2025

• од Станча Јаќимовски

Албанија остро реагираше на последната изјава на српското Министерство за надворешни работи од 4 октомври, во која Белград, како одговор на ставовите на претседателката на Косово Вјоса Османи, ја спомена и Албанија, потсетувајќи на контроверзниот извештај на Дик Марти.

Министерството за Европа и надворешни работи на Албанија ги оцени овие тврдења како неосновани и дискредитирани, изразувајќи жалење што Србија повторно се обидува да ги „врати сенките на минатото“ во еден регион кој се стреми кон европска иднина.

„Жалиме што изјавата на Министерството за надворешни работи на Србија сè уште се повикува на извештајот на Дик Марти, кој одамна е дискредитиран. И домашните и меѓународните истраги докажаа дека обвинувањата таму се чиста фабрикација, без ниту еден фактички доказ“, стои во реакцијата на Тирана.

Албанската дипломатија потсетува дека трагичните настани од 1999 година имаат јасно утврдени одговорни страни – етничките чистки, убиства и насилното протерување на околу еден милион косовски Албанци не можат да се релативизираат со реторика и ревизионизам.

„Секоја обид да се изврти вистината и да се заменат улогите на жртвата и агресорот е неприфатлив и спротивен на духот на мирот и помирувањето што нашиот регион го заслужува“, се наведува понатаму.

Од Министерството истакнуваат дека Албанија останува посветена на соработка, почит и добрососедски односи, нагласувајќи дека Балканот има потреба од искрено помирување, а не од враќање на „јазикот на обвиненија и жртвоманија“.

„Само со заедничка работа можеме трајно да се ослободиме од сенките на минатото и да изградиме иднина во мир, безбедност и просперитет – како дел од заедничкото европско семејство“, завршува соопштението на Министерството за Европа и надворешни работи на Албанија.