Бајден: Трамп ја руши и Белата куќа и американската демократија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бајден: Трамп ја руши и Белата куќа и американската демократија

09 ноември 2025

• од Станча Јаќимовски

Поранешниот претседател на САД, Џо Бајден, упати остри критики кон својот наследник Доналд Трамп, обвинувајќи го дека ја уништува не само Белата куќа, туку и темелите на американската демократија, пренесува агенцијата ДПА.

Според американските медиуми, 82-годишниот експретседател изјавил дека Трамп „не само што ја разурна Белата куќа со градежните работи за нова бална сала, туку и Уставот, владеењето на правото и нашата демократија“.

За време на говор на настан на Демократската партија во сојузната држава Небраска, Бајден директно му се обрати на Трамп:
„Се однесувате на начин кој нè засрамува како нација,“ го цитира CNN. Тој го обвини Трамп дека ги става интересите на своите богати сојузници пред потребите на американскиот народ. „Вие работите за нас, господине претседател. Ние не работиме за вас. Вие работите за нас – не само за милијардерите и милионерите,“ нагласи Бајден.

Во продолжение, Бајден ги истакна победите на демократските кандидати на неодамнешните избори – гувернерските во Њу Џерси и Вирџинија, како и локалните во Њујорк – нарекувајќи ги „зраци надеж во еден многу, многу мрачен момент“. Според него, овие резултати се јасна порака од американскиот народ до Трамп.

Бајден ја напушти претседателската функција во јануари и оттогаш ретко се појавува во јавност, но ова не е првпат остро да го критикува својот наследник. Во мај беше објавено дека Бајден боледува од рак на простатата, но и покрај здравствените предизвици, тој продолжува активно да се вклучува во политичките дебати.