Банско и Боровец меѓу најдостапните ски-дестинации во Европа

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Банско и Боровец меѓу најдостапните ски-дестинации во Европа

23 јануари 2026

• од Станча Јаќимовски

Бугарските ски-центри Банско и Боровец се најдоа меѓу првите три најдостапни ски-дестинации во Европа, според најновиот индекс за пристапност објавен од ИзиЏет, пренесува БГНЕС.

Истражувањето ги анализира просечните трошоци за ски-карти, изнајмување опрема, сместување, транспорт и пијалаци, со цел да се издвојат десетте најповолни ски-центри на европскиот континент.

Првото место на ранг-листата му припадна на Банско, кој е прогласен за најбуџетска ски-дестинација во Европа. Лоциран во подножјето на Пирин Планина, курортот нуди исклучително пристапни цени – пиво за околу една фунта, дневна ски-карта под 50 фунти, изнајмување опрема за околу 15 фунти и ноќевање по цена од приближно 45 фунти. Овие показатели го прават Банско особено атрактивен за туристи кои бараат квалитетно ски-искуство по разумна цена.

На третото место се најде Боровец, најстариот ски-центар во Бугарија. Со 58 километри уредени патеки распоредени во три ски-зони на планината Рила, курортот е особено погоден за скијачи со средно ниво на искуство, но и за рекреативци кои ја ценат комбинацијата од добра инфраструктура и прифатливи трошоци.

Второто место на листата го зазеде Бјалка Татшанска во Полска, позната по мирната атмосфера и одличниот однос меѓу цена и квалитет, што ја прави привлечна за почетници, семејства и организирани групи.

Менаџерот на ИзиЏет за Обединетото Кралство, Кевин Дојл, истакна дека целта на индексот е да им помогне на патниците полесно да ги планираат своите зимски одмори и да откријат дестинации каде сместувањето, изнајмувањето опрема и угостителските услуги се нудат по исклучително поволни цени.

Меѓу останатите ски-центри на листата се најдоа Бардонекија во Италија, Пал-Аринсал во Андора, како и Саузе д’Улкс во зоната Виа Латеа. Вклучени се и француските Ле Дез Алп и Морзен, кои нудат автентично алпско искуство со просечни дневни трошоци од околу 80 фунти.

Резултатите од истражувањето ја потврдуваат сè поголемата популарност на источна и централна Европа како атрактивна и економична алтернатива на традиционалните алпски ски-дестинации.