Белата куќа: Иран може да развие нуклеарна бомба за неколку недели

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Белата куќа: Иран може да развие нуклеарна бомба за неколку недели

20 јуни 2025

• од Станча Јаќимовски

Според Белата куќа, Иран може да произведе нуклеарно оружје во рок од само неколку недели. Истовремено, американскиот претседател Доналд Трамп размислува дали да преземе воена акција против Исламската Република.

Ова го пренесува новинската агенција АФП, повикувајќи се на изјава од портпаролката на Белата куќа, Каролин Ливит. Таа изјави дека Иран веќе располага со сите неопходни ресурси за создавање на атомска бомба, и дека единствено останува да се донесе политичка одлука од страна на врховниот лидер на Иран. Од моментот на таква одлука, според неа, ќе бидат потребни само неколку недели за завршување на производството.

Ливит истакна дека, и покрај актуелната криза меѓу Израел и Иран, контактите со Техеран сè уште се во тек. Таа не навлезе во детали, но дипломатски извори за агенцијата Ројтерс потврдија дека претседателскиот пратеник Стив Виткоф во изминатата недела неколку пати телефонски разговарал со иранскиот министер за надворешни работи Абас Арагчи.

Иако официјалните индиректни разговори меѓу Вашингтон и Техеран беа прекинати по почетокот на израелските воздушни напади врз Иран, Белата куќа не објасни зошто претседателот Трамп сè уште верува дека има „значителна шанса“ за дипломатски преговори.

На новинарско прашање дали администрацијата има намера да ја смени власта во Иран, Ливит одговори дека главен приоритет останува спречување на Иран да развие нуклеарно оружје.

Обраќајќи се кон американските граѓани кои се загрижени дека САД би можеле да бидат вовлечени во нов воен конфликт, таа порача: „Имајте доверба во претседателот Трамп.“

Трамп бара од Техеран да го прекине збогатувањето на ураниум на своја територија, додека врховниот лидер на Иран, ајатолахот Али Хаменеи, останува на ставот дека правото на Иран да збогатува ураниум е неоспорно.

Во меѓувреме, министрите за надворешни работи на Велика Британија, Франција и Германија — познати како групата E3 и потписници на нуклеарниот договор од 2015 година — имаа телефонски разговор со Арагчи во неделата. Според портпаролот на иранското МНР, Есмаил Багаеи, и официјален претставник на ЕУ, во петок во Женева ќе се одржи средба меѓу претставници на ЕУ и иранската делегација.