Британски пратеник предлага мигранти од Велика Британија да се пренасочат во С. Македонија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Британски пратеник предлага мигранти од Велика Британија да се пренасочат во С. Македонија

12 декември 2025

• од Станча Јаќимовски

Темата за мигрантите повторно се најде во фокусот на македонската јавност, откако во програма на британската телевизија Great Britain News беше емитувана дискусија во која се отвори можноста дел од мигрантите од Велика Британија да бидат пренасочени во Северна Македонија.

Во дебатата учествуваа новинари и политички гости, кои разговараа за проблемот со лица што престојуваат во Британија, но за кои државата нема правна основа ниту да ги задржи, ниту да ги депортира во нивните матични земји, поради сериозни безбедносни ризици.

Новинарката Линда Доберли објасни дека Обединетото Кралство се соочува со комплексна правна и хуманитарна ситуација.

„Ние не можеме да ги држиме овде, велиме дека не можат да останат во Обединетото Кралство, но истовремено не можеме ниту да ги вратиме од каде што се дојдени, бидејќи таму нивниот живот би бил загрозен“, истакна Доберли.

Во оваа насока, британскиот пратеник Бери Гардинер ја изнесе идејата Северна Македонија да биде една од земјите каде што овие мигранти би биле стационирани. Според него, ваквиот модел би бил поисплатлив и поодржлив за Британија, а истовремено би им овозможил на мигрантите достоинствен живот.

„Затоа им велиме дека ќе бидат стационирани во Северна Македонија, каде што ќе можат да работат, каде што има потреба од работна сила и да изградат живот таму. Тоа не е скапо за нас, далеку е поскапо да ги оставиме овде“, изјави Гардинер.

Во продолжение на дискусијата, пратеникот дополнително појасни дека станува збор за лица за кои британските институции ќе утврдат дека немаат правна основа за престој во Велика Британија, но и дека нивното враќање во земјите на потекло е невозможно поради опасност од војни, прогон или други сериозни закани.

„Шемата за Македонија е да ги праќаме луѓето за кои ќе одлучиме дека немаат правна основа да останат во Велика Британија. Но не можеме да ги вратиме, затоа што местата каде што би ги испратиле се преопасни“, нагласи Гардинер.

Иако станува збор за изнесена идеја во медиумска дебата, а не за официјална политика, изјавите предизвикаа внимание и реакции, особено во Северна Македонија, каде прашањето за евентуално прифаќање мигранти како работна сила е чувствително и комплексно, со политички, економски и безбедносни импликации.

Засега нема официјална потврда дека постои конкретен договор или иницијатива меѓу двете држави, но темата отвора сериозни прашања за улогата на земјите од Балканот во пошироките европски и британски миграциски политики.