Бугарија чекори кон зелена иднина: Отворена втора соларна централа на United Group

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарија чекори кон зелена иднина: Отворена втора соларна централа на United Group

30 јули 2025

• од Станча Јаќимовски

Бугарија сè појасно се етаблира како водечки регионален пример во искористувањето на обновливите извори на енергија. Во југозападниот дел на земјата, во местото Бараково, свечено беше пуштена во употреба втората соларна електроцентрала на компанијата United Group – значаен чекор кон поодржлива енергетска иднина.

Електроцентралата „Бараково“, изградена на површина од 65 декари на поранешен индустриски терен на БТК, се состои од 11.466 дволицеви соларни панели со вкупна инсталирана моќност од 8 MWр и очекувано годишно производство од 12 GWh. Вкупната инвестиција за проектот изнесува околу 6 милиони евра. Оваа електроцентрала, трипати помоќна од веќе постоечката ФЕЦ „Могила“, не само што придонесува кон зелениот енергетски микс, туку и претставува пример за паметна трансформација на запуштени индустриски зони.

Како што истакна главниот извршен директор на Vivacom, г. Николај Андреев:

„Ова е извонреден пример како може да се вдивне нов живот во терени кои поради технолошки развој излегле од употреба. Исклучително сум горд што United Group ја избра токму Бугарија за реализација на овој проект.“

Проектот е дел од пошироката стратегија на United Group за инвестиции од 120 милиони евра во енергетскиот сектор – три соларни и една ветерна електроцентрала. Исто така, оваа иницијатива го докажува внимателниот пристап кон животната средина, бидејќи ниту еден проект не е изграден врз земјоделско земјиште.

ФЕЦ „Бараково“ е технолошки напредна, со користење на модерни дволицеви панели кои ја искористуваат и директната и одбиената сончева светлина – што ја зголемува ефикасноста и до 20%, дури и во зимски услови со снежна покривка. Панелите се поставени на челични конструкции, кои се многу попријателски за почвата во споредба со бетонски темели.

Енергијата се пренесува до трафостаница кај Благоевград преку ново 6-километарско подземно трасе, минувајќи под автопатот Е79 и железничката линија кон Грција. До крајот на годината, „Бараково“ ќе добие и своја батериска инсталација со капацитет од 15 MWh, која ќе овозможи складирање на електричната енергија за 3-4 часа. Овие батерии ќе бидат бугарско производство од компанијата International Power Supply – што дополнително го зајакнува локалниот индустриски потенцијал.

Градоначалникот на Благоевград, Методи Бајкушев, ја нагласи важноста на проектот:

„Не смееме да дозволиме општеството да биде манипулирано од пропагандата – обновливите извори на енергија се иднината.“

Со овој проект, Бугарија не само што покажува визија и одлучност за декарбонизација, туку и служи како инспирација за целиот регион. Како што нагласи извршниот директор на енергетската дивизија на United Group, Анте Смокрович:

„Она што го пробуваме во Бугарија, ќе биде применето и во други земји. Но дури и внатре во групацијата постои сомнеж дека истиот успех ќе може да се постигне на друго место.“

Бугарија, со проекти како ФЕЦ „Бараково“, се позиционира како херој на зелената енергетска транзиција на Балканот.