Бугарија: Силен раст на пазарот на недвижности во Софија и позитивни трендови низ земјата

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарија: Силен раст на пазарот на недвижности во Софија и позитивни трендови низ земјата

12 јули 2025

• од Станча Јаќимовски

Пазарот на недвижности во Бугарија бележи значителен раст, со посебен фокус на главниот град — Софија, каде продажбите на недвижности во првата половина од 2025 година го надминаа нивото од 2008 година, период кој важеше за златна ера пред светската финансиска криза. Според податоците од Агенцијата за впишување, во првите шест месеци од оваа година се реализирани 19.235 трансакции во Софија — бројка која го надминува дури и тогашниот пик на пазарот (19.015 трансакции во 2008 година).

Овие бројки потврдуваат дека Софија сè повеќе се потврдува како модерен, динамичен град со голем инвестициски потенцијал. На годишна основа, зголемувањето е импресивно — 10,4%, што говори за стабилна побарувачка и доверба кај граѓаните и инвеститорите.

Но позитивните движења не се ограничени само на главниот град. На ниво на држава, во второто тримесечие од 2025 година се регистрирани 56.010 продажби, што претставува зголемување од 3% во однос на истиот период во 2024 година. Ова укажува на широка активност на пазарот низ цела Бугарија.

Во другите големи градови трендовите се мешани, но со генерална стабилност:

Во Пловдив има благ раст од 1,12%,
Во Русе растот е нешто помал – под 2%,
Додека Стара Загора бележи солиден скок од 8,8%,
А Благоевград е вистинско изненадување со дури 23,6% раст на трансакциите.

Интерес предизвикува и движењето во туристичките региони. Царево забележува над 40% раст на продажбите, а Самоков/Боровец – популарна зимска дестинација – раст од 12,8%. Овие бројки потврдуваат дека Бугарија останува атрактивна и за домашни и за странски купувачи, и во туристичките региони.

Дополнителен поттик за зголемената активност на пазарот е и очекуваното влегување на Бугарија во еврозоната. Многу граѓани и инвеститори се мотивирани да вложат во недвижности со цел заштита на капиталот. Според брокерите, ефектот „евро“ веќе се чувствува, а тоа го потврдува и растот на цените во последните месеци.

„Во моментов цените стрмоглаво растат, делумно поради психолошкиот ефект од очекуваното влегување во еврозоната“, изјави брокерката Дијана Иванова за БНР. Според неа, не се очекуваат турбуленции на пазарот по усвојувањето на еврото, туку стабилизација и нормализирање на цените веќе во 2026 година.

Со вакви позитивни трендови и економска стабилност, Бугарија продолжува да се позиционира како атрактивна и сигурна дестинација за инвестиции во недвижности – и за домашните купувачи и за странските инвеститори.